Як цяпер адправіць грошы з Літвы ў Беларусь, калі апошні банк адключыў там свае карткі?
Днямі ў Беларусі перасталі працаваць банкаўскія карткі літоўскай фінтэх-кампаніі Paysera — гэта апошнія літоўскія карткі, якімі можна было разлічыцца ў Беларусі. Некаторыя карысталіся імі таксама дзеля таго, каб пераслаць грошы сваякам у Беларусь. А што рабіць цяпер?
Пасля нядаўняга адключэння картак Paysera ў Беларусі варыянтаў перавесці грошы засталося зусім няшмат, бо літоўскія банкі даўно не ажыццяўляюць SWIFT-пераводы на беларускія рахункі.
Адзіным дзейным спосабам называюць сэрвіс Paysend, які дазваляе рабіць пераводы з карткі на картку.
Камісія за перавод фіксаваная і складае ўсяго 1,5 еўра. Праўда, трэба ўлічваць, што атрымальнік у Беларусі атрымае не еўра, а рублі, і курс будзе менш выгадны за той, што ў абменніках.
Напрыклад, калі па стане на 21 лютага еўра можна здаць па курсе 3,32—3,36 рубля, то ў Paysend курс — 3,285 рубля.
Людзі, якія ўжо карысталіся сэрвісам, адзначаюць, што грошы на беларускія карткі прыходзяць хутка: ад пары секунд да 10—15 хвілін.
Сярод банкаў, чые карткі дакладна прымаюць грошы з Літвы праз Paysend, называюць Прыёрбанк, БСБ Банк, МТБанк. Але агулам логіка тут такая, што беларускі банк, у якім адкрыта карта, мусіць быць не пад санкцыямі, і тады грошы прыйдуць.
Яшчэ адна важная акалічнасць, на якую варта звяртаць увагу: нельга такім чынам адпраўляць грошы з Літвы ў Беларусь з картак Swedbank, хоць грошы з вашай карткі ідуць не наўпрост у Беларусь, а сэрвісу Paysend. Рэч у тым, што Swedbank забараняе любыя дзеянні з грашыма, якія прама ці ўскосна звязаныя з Беларуссю.
Таксама ёсць складанасці і з пераводам праз Revolut.
А вось Paysera дазваляе такія пераводы — прынамсі пакуль што.
* * *
Калі вы жывяце ў Літве, то можаце за хвіліну падтрымаць «Нашу Ніву» часткай вашага падаходнага падатку. Гэта не будзе каштаваць вам ані цэнта.
Вы проста перанакіруеце 1,2% ад ужо сплачанага вамі падатку пры падачы штогадовай дэкларацыі.
Вось падрабязная інструкцыя, як гэта зрабіць, калі вы працуеце ў Літве.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары
На каго працуеце, спадарове???