«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
Тэлевядоўца і шоумен Аляксандр Серыкаў (ён вядзе ўласныя праекты і на тэлеканале ТНТ) выказаўся ў Threads пра набалелую сітуацыю з візамі і чэргамі на мяжы.
«Зрабілі з жонкай візы, планавалі пару дзён адпачыць у Еўропе. Але пачалася ўся гэтая сітуацыя на межах з чэргамі па тры дні.
Рашэнне было прынята такое: нафіг візы. Іх я больш рабіць не буду. Я больш не буду ездзіць і траціць свае грошы ў краіны, якія не зацікаўленыя ў турыстах настолькі, што закрываюць межы. Цяпер прынцыпова падарожнічаю толькі ў бязвіз.
Мы паехалі на Прыпяць. І гэта была сапраўдная прыгода», — піша шоумен.
Ён дзеліцца ўражаннямі ад атмасфернага адпачынку на Прыпяці.
«Пераправа на пароме. Гатэль, доступ у які ёсць толькі па вадзе, бо ён месціцца на востраве. Лазня, маторная лодка і паездка па Прыпяці».
Па дарозе назад Аляксандр заехаў таксама ў Пінск — горад яго зачараваў.
«Увогуле, у нас прыгожая краіна з вялікай колькасцю цікавых месцаў! І падарожнічаць можна куды заўгодна. У першую чаргу туды, дзе цябе хочуць бачыць», — напісаў ён.
Пад допісам сабралася больш за 600 каментароў. Некаторыя дзяліліся, што праз складанасці з шэнгенскімі візамі адкрываюць для сябе іншыя краіны не ў Еўропе.
«Пакуль візу атрымаць дорага, вырашыў ездзіць туды, дзе лёгка ці не трэба. Раптам для сябе адкрыў раскошны Таджыкістан, Іран, турэцкі Курдыстан, абкатаў усе Эміраты, усю Ферганскую даліну (Узбекістан і Кыргызстан), вельмі задаволены», — напісаў у каментарах блогер Дзяніс Блішч.
Хтосьці піша, што падарожнічае па Азіі, хтосьці лепш знаёміцца з Беларуссю.
Але былі і тыя, хто не зразумеў абурэння вядоўцы.
«А вы не задаяцеся пытаннем «чаму»? Вы крыўдуеце, але, блін, справядліва ж не пускаюць! Не на роўным месцы! Беларусь і Расія сталі дыктатарскімі! Да лютага 2022 года ўсё ж было выдатна ў Еўропе, так?»
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
-
«Праз пакаленне ў Афрыцы будзе нараджацца палова ўсіх дзяцей свету». Чаму Паўднёвая Карэя вымірае і чым цікавы прыклад Ізраіля
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары