Прэм'ер-міністр Фінляндыі Петэры Орпа запрасіў лідараў сямі краін — членаў Еўрасаюза на Саміт Усходняга флангу, які пройдзе ў Хельсінкі 16 снежня. Такое мерапрыемства адбудзецца ўпершыню.
У саміце возьмуць удзел лідары Швецыі, Эстоніі, Латвіі, Польшчы, Балгарыі, Румыніі, Літвы.
Галоўнай тэмай сустрэчы стане бяспека Еўропы і гатоўнасць да абароны, асабліва на ўсходняй знешняй мяжы ЕС.
Петэры Орпа падкрэсліў, што краіны, якія мяжуюць з Расіяй, сутыкаюцца з агульнымі выклікамі ў сферы бяспекі.
«Мы, як суседзі Расіі, сутыкаемся з агульнымі праблемамі бяспекі. У апошні час гібрыдныя аперацыі, кібератакі і парушэнні паветранай прасторы паскорыліся. Абарона Еўропы павінна быць дадаткова ўзмоцненая на мяжы з Расіяй», — заявіў ён.
Мяркуецца, што саміт дазволіць краінам усходняга флангу паглыбіць супрацоўніцтва ў галіне абароны і кіравання межамі. Сустрэча ў Хельсінкі адбудзецца напярэдадні пасяджэння Еўрапейскай рады ў Бруселі.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары