Амаль 250 украінскіх дронаў атакавалі поўдзень Расіі і анексаваны Крым
У Таганрогу трое загінулых, у Наварасійску ёсць параненыя.
116 дронаў знішчылі над акваторыяй Чорнага мора, 76 — над Краснадарскім краем, 23 — над Крымам, 16 — над Растоўскай вобласцю, сем — над Бранскай вобласцю, па чатыры — над Курскай вобласцю і акваторыяй Азоўскага мора, два — над Белгарадскай, адзін — над Ліпецкай.
У Таганрогу ў выніку атакі дронаў загінулі тры чалавекі, паведаміў губернатар Растоўскай вобласці Юрый Слюсар. Яшчэ 10 жыхароў горада і Няклінаўскага раёна вобласці атрымалі розныя раненні.
Паводле даных тэлеграм-канала Astra, пажар у Таганрогу ўзнік у раёне ўзлётна-пасадачнай паласы побач з авіябудаўнічым прадпрыемствам.
Каментары