Міністр унутраных спраў Літвы пакуль не бачыць неабходнасці закрываць мяжу з Беларуссю

Міністр унутраных спраў Літвы Уладзіслаў Кандратовіч кажа, што не бачыць патрэбы зноў закрываць мяжу з Беларуссю і заклікае даць праваахоўнікам час для перапынення кантрабанды, піша LRT.

«Сёння я такой патрэбы не бачу, але тут трэба з міністрам замежных спраў размаўляць, ён дзейнічае ў гэтым напрамку, гэта іх асноўная, я б сказаў, прэрагатыва вырашаць наконт закрыцця, не закрыцця мяжы», — сказаў журналістам у аўторак Уладзіслаў Кандратовіч.

«Калі гаварыць пра ўнутраную бяспеку, мы такой патрэбы не бачым, каб з-за ўнутранай бяспекі мяжа павінна была быць закрытая», — адзначыў ён.

Міністр падкрэсліў, што пра закрыццё мяжы павінна вырашыць урад.

Тым не менш, на яго думку, Літва мае «мноства іншых мер, якія павінны паўплываць на незаконную дзейнасць», што ўзнікае з Беларусі. «Сапраўды мы маем меры і пачалі сур’ёзна гэтае пытанне вырашаць, як і інструментамі заканатворчасці, так і аператыўнай дзейнасцю і дадатковымі аперацыямі, кантроль якіх мы будзем рабіць і назіраць», — заявіў міністр унутраных спраў.

Сейм на мінулым тыдні пачаў разглядаць прапанаваныя МУС папраўкі, якімі будуць узмацняцца пакаранні за небяспечную перавозку кантрабанды, прадугледжваючы, што гэта пацягне пазбаўленне волі замест грашовых штрафаў.

Тым часам прэм’ер-міністр Інгa Ругінене, чакаючы ад паліцыі больш вобшукаў і затрыманняў, звязаных з кантрабандай, Уладзіслаў Кандратовіч кажа, што для выніку патрэбны час.

«Усяму патрэбны час, і сеткі разарваць таксама патрэбны час. Праваахоўныя органы працуюць у гэтым напрамку, мы мелі не адну нараду, і я ведаю, што яны робяць сваю працу, трэба трохі пачакаць», — сказаў міністр.

Па яго загадзе для перапынення кантрабанды паветраным шляхам створана сумесная следчая група, у якой працуюць памежнікі, паліцыя, мытнікі і супрацоўнікі Службы расследавання фінансавых злачынстваў.

Хуткага выніку ад праваахоўных органаў у панядзелак не абяцаў і кіраўнік Службы аховы дзяржаўнай мяжы Рустам Любаеў, адзначыўшы, што крымінальная разведка патрабуе шмат рэсурсаў, аднак памежнікі з паліцыяй у найбліжэйшы час плануюць дзеянні.

Паводле дадзеных, прадстаўленых Р. Любаевым у аўторак, з-за кантрабанды паветранымі шарамі сёлета пачаты 26 дасудовых расследаванняў, выяўлена 66 падазраваных, 18 асобаў затрыманыя і 22 ужо прызнаныя вінаватымі.

З-за пагрозы кантрабандных паветраных шароў Літва на тры тыдні была закрыла мяжу з Беларуссю, але, абгрунтоўваючы паляпшэннем сітуацыі, адкрыла яе з апоўначы 20 лістапада — на дзесяць дзён раней, чым планавалася.

• 0
• 0
• 0
• 1
• 0
• 0
• 0
• 0