Заўтра ўкраінская дэлегацыя павінна сустрэцца з Рубіа, Уіткафам і зяцем Трампа
Паводле інфармацыі агенцтва Reuters, у нядзелю, 30 лістапада, у ЗША адбудзецца сустрэча высокапастаўленых прадстаўнікоў амерыканскай адміністрацыі з украінскай дэлегацыяй па пытанні мірнага плану.
Як паведамляе высокапастаўленая крыніца агенцтва, дзяржсакратар ЗША Марка Рубіа, спецыяльны пасланнік прэзідэнта ЗША Стыў Уіткаф і зяць прэзідэнта ЗША Дональда Трампа Джарэд Кушнер прымуць украінскіх чыноўнікаў у Фларыдзе.
Раней Вашынгтон прапанаваў Кіеву абноўлены план завяршэння вайны, які першапачаткова складаўся з 28 пунктаў і быў вельмі спрыяльны для Расіі. Ён прадугледжваў вывад украінскіх войскаў з тэрыторыі Данбасу, скарачэнне арміі, адмову ад дальнабойнай зброі і іншыя патрабаванні, якія былі непрымальнымі для Кіева.
23 лістапада ў Жэневе прайшла сустрэча прадстаўнікоў ЗША, Украіны і Еўропы, дзе дакумент спрабавалі збалансаваць. Паведамлялася, што колькасць пунктаў тады зменшылі да 19‑ці і выкінулі з плана найбольш непрымальныя для Украіны элементы.
Канчатковыя ўмовы плана павінны ўзгадніць кіраўнікі ЗША і Украіны Дональд Трамп і Уладзімір Зяленскі падчас асабістай сустрэчы. Пакуль жа праца над дакументам працягваецца. Кіраўнік Рады нацыянальнай бяспекі і абароны Украіны Рустэм Умераў ужо накіраваўся ў ЗША, каб працягнуць перамовы.
На гэтым тыдні Трамп таксама паведаміў пра намер адправіць Стыва Уіткафа ў Маскву. Паводле паведамленняў у СМІ і заяваў Крамля, візіт можа адбыцца на наступным тыдні.
Уіткаф даедзе да Пуціна ў першай палове наступнага тыдня
Украіна на перамовах з ЗША адхіліла тры ключавыя патрабаванні «мірнага плана»
Поўная расшыфроўка злітых перамоў спецпрадстаўніка прэзідэнта ЗША Стыва Уіткафа і прадстаўнікоў Пуціна Дзмітрыева і Ушакова
Трамп: План па Украіне скараціўся з 28 да 22 пунктаў
Умераў: Кіеў і Вашынгтон дасягнулі «агульнага разумення» па ключавых умовах мірнага плана
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары