Трэнд у Новай Баравой: бірузовыя аўто пад колер фасадаў выклікалі ажыятаж у сацсетках
У жылым комплексе «Новая Баравая» пад Мінскам карыстальнікі сацыяльных сетак заўважылі незвычайную і забаўную тэндэнцыю: на паркоўках усё часцей з’яўляюцца аўтамабілі, колер якіх амаль цалкам супадае з адценнем фасадаў некаторых дамоў.
На апублікаваных здымках відаць як мінімум пяць аўтамабіляў яркага і даволі рэдкага бірузовага колеру (колеру «Тыфані»), якія ідэальна ўпісваюцца ў асяроддзе, піша «Прысталічча».
Гэта выклікала актыўную дыскусію ў сеціве: ці жыхары наўмысна выбіраюць машыны, якія паўтараюць палітру сцен, ці гэта проста супадзенні.
«Перафарбаваць дом у колер тачкі — гэта моцна», — жартуюць каментатары.
Для некаторых жыхароў гэтае супадзенне стала прыемным бонусам. «Мяне заўсёды радуюць гэтыя машыны. Яны так упісваюцца ў гэты раён, ідэальна па колеры. Кожны раз хаджу — воку прыемна», — апісала свае ўражанні адна з жыхарак.
Як адзначае выданне, узнікае адчуванне прадуманай эстэтыкі, дзе кожная дэталь, нават звычайны аўтамабіль, становіцца часткай гарманічнай карціны. Гэта ператварае звычайны двор у свайго роду арт-прастору, міма якога складана прайсці, не дастаўшы тэлефон для фота.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА57
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны55
Каментары