У Варшаве ў кватэры ў раёне Макотаў знайшлі мёртвым 71‑гадовага Сяргея Уласенку — члена расійскага апазіцыйнага аб'яднання «З'езд народных дэпутатаў», паведамляе RMF24.
Па словах прадстаўніка акруговай пракуратуры Варшавы Пятра Антонія Скібы, на гэты момант няма прыкмет таго, што да смерці мужчыны маглі быць датычныя іншыя людзі. На месцы здарэння праводзіцца агляд, а на сераду прызначана ўскрыццё. Акрамя гэтага, плануюцца таксікалагічныя даследаванні.
Сяргей Уласенка ў 1980‑я гады быў дэпутатам мясцовых органаў улады на Далёкім Усходзе, пазней жыў у Анапе, што ў Краснадарскім краі. Пасля пачатку поўнамаштабнай вайны Расіі супраць Украіны ён выехаў у Польшчу. Спачатку знаходзіўся там па турыстычнай візе, а пазней атрымаў палітычны прытулак.
«З'езд народных дэпутатаў» аб'ядноўвае былых расійскіх дэпутатаў і пазіцыянуе сябе як апазіцыйную структуру, якая ў перспектыве павінна стаць пераходным парламентам Расіі. Ініцыятарам стварэння арганізацыі быў былы дэпутат Дзярждумы Ілля Панамароў. У 2023 годзе Генпракуратура Расіі прызнала «З'езд народных дэпутатаў» непажаданай арганізацыяй.
Перад гэтым, у чэрвені 2026 года, у цэнтры горада Белая Падляшская быў застрэлены 44‑гадовы Сямён Скрапецкі — аўтар антыпуцінскіх карыкатур, які пераехаў у Польшчу ў 2021 годзе. Пазней польскія ўлады паведамілі пра затрыманне падазраванага ў гэтым забойстве.
Звязаны з аргзлачыннасцю. Падрабязнасці пра падазраванага ў забойстве расійскага мастака ў Польшчы
У забітага ў Белай-Падляшскай мастака Скрапецкага засталося пяцёра дзяцей, а ўдава цяжарная шостым
Забіты ў Польшчы расійскі мастак адну з карцін прадаў за $20 тысяч і заданаціў УСУ. Вось што расказаў яго знаёмы беларус Бохан
Якія карыкатуры на Лукашэнку рабіў забіты ў Польшчы расійскі мастак
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары