Trend u Novaj Baravoj: biruzovyja aŭto pad koler fasadaŭ vyklikali ažyjataž u sacsietkach
U žyłym kompleksie «Novaja Baravaja» pad Minskam karystalniki sacyjalnych sietak zaŭvažyli niezvyčajnuju i zabaŭnuju tendencyju: na parkoŭkach usio čaściej źjaŭlajucca aŭtamabili, koler jakich amal całkam supadaje z adcieńniem fasadaŭ niekatorych damoŭ.
Na apublikavanych zdymkach vidać jak minimum piać aŭtamabilaŭ jarkaha i davoli redkaha biruzovaha koleru (koleru «Tyfani»), jakija idealna ŭpisvajucca ŭ asiarodździe, piša «Prystaličča».
Heta vyklikała aktyŭnuju dyskusiju ŭ siecivie: ci žychary naŭmysna vybirajuć mašyny, jakija paŭtarajuć palitru ścien, ci heta prosta supadzieńni.
«Pierafarbavać dom u koler tački — heta mocna», — žartujuć kamientatary.
Dla niekatorych žycharoŭ hetaje supadzieńnie stała pryjemnym bonusam. «Mianie zaŭsiody radujuć hetyja mašyny. Jany tak upisvajucca ŭ hety rajon, idealna pa kolery. Kožny raz chadžu — voku pryjemna», — apisała svaje ŭražańni adna z žycharak.
Jak adznačaje vydańnie, uźnikaje adčuvańnie pradumanaj estetyki, dzie kožnaja detal, navat zvyčajny aŭtamabil, stanovicca častkaj harmaničnaj karciny. Heta pieratvaraje zvyčajny dvor u svajho rodu art-prastoru, mima jakoha składana prajści, nie dastaŭšy telefon dla fota.
Kamientary