Як эксперымент у Слуцку паказаў камунальнікам, што прычына смецця не ў людзях, а ў іх працы
Рэзананс у сацсетках прымусіў гарадскія ўлады паставіць сметніцы на Алеі будаўнікоў у Слуцку.
На Алеі будаўнікоў у Слуцку рэгулярна назапашвалася смецце. На фотаздымках, якімі дзяліліся случакі, былі відаць пластыкавыя бутэлькі і іншыя адкіды каля сметніцы, а таксама смецце на траве недалёка ад ракі, піша BGmedia. Камунальнікі заяўлялі, што праблема ў нявыхаванасці людзей.
Случакі пагаджаліся, што частка адказнасці ляжыць на саміх наведвальніках алеі. Аднак адначасова людзі адзначалі і іншую праблему — недахоп сметніц.
На ўсёй алеі была толькі адна сметніца. Пры гэтым смецце назапашвалася вакол яе, паколькі яна не змяшчала ўсе адкіды, якія пакідалі наведвальнікі. На думку мясцовых жыхароў, большая колькасць сметніц магла б дапамагчы падтрымліваць тэрыторыю ў чысціні.
На тое, што колькасць урнаў сапраўды ўплывае на сітуацыю, звярталі ўвагу і ў мясцовым партале SlutskGorod. Там правялі эксперымент: каля сметніцы паставілі асобнае вядро і назіралі, ці будзе смецце працягваць з’яўляцца побач на зямлі.
Як паказаў эксперымент, людзі пачалі выкідаць смецце менавіта ў пастаўленае вядро.
Пасля гэтага камунальнікі паставілі на алеі дадатковыя сметніцы.
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары
[Зрэдагавана]