Сярод палітвязняў, вызваленых сёння ў Беларусі, ёсць пяцёра грамадзян Украіны. Пра гэта паведаміў прэзідэнт Украіны Уладзімір Зяленскі.
Па словах Зяленскага, кіраўнік Галоўнага ўпраўлення разведкі Кірыла Буданаў далажыў пра падрабязнасці падрыхтоўкі спецыяльнай аперацыі па вызваленні цывільных асоб, якія ўтрымліваліся ў Беларусі.
«Дзякуючы актыўнай ролі Злучаных Штатаў і супрацоўніцтву нашых разведак цяпер вяртаюцца на волю каля сотні чалавек, у тым ліку пяцёра ўкраінцаў. Дапамагаем нашым амерыканскім партнёрам і адпаведную дапамогу атрымлівае Украіна. Пры неабходнасці прыцягваюцца спецыяльныя службы нашых суседзяў у Еўропе», — напісаў Зяленскі.
Таксама ён заявіў, што даручыў ГУР і іншым службам максімальна ўзмацніць працу на расійскім напрамку, каб да Новага года стала магчымым вызваленне ўкраінскіх ваеннапалонных.
Раней прэс-служба Аляксандра Лукашэнкі паведаміла пра вызваленне 123 чалавек.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы66
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары