На волю выйшаў былы інкасатар і экс-спецназавец — яго затрымалі напярэдадні ад'езду з краіны
Сярод палітвязняў, якіх вызвалілі і дэпартавалі ва Украіну 13 снежня, апынуўся і 33‑гадовы Ян Папковіч, былы інкасатар «Белгазпрамбанка» і экс-спезназавец.
Сярод палітвязняў, якіх вызвалілі і дэпартавалі ва Украіну 13 снежня, быў і 33‑гадовы Ян Папковіч, былы інкасатар «Белгазпрамбанка» і экс-спезназавец.
Пасля пачатку паўнамаштабнай вайны ён звольніўся і збіраўся разам з жонкай і братам з'язджаць у Польшчу. Але напярэдадні, 2 верасня 2022 года, яго затрымаў спецназ. Яна моцна збілі, таксама падстрэлілі і паранілі яго сабаку.
У сюжэтах БТ хлопца выставілі наймітам, які збіраўся ехаць на вайну ва Украіну.
У траўні 2023 года Папковіча асудзілі на чатыры гады калоніі ва ўмовах агульнага рэжыму. Яго абвінавацілі паводле арт. 342 КК (групавыя дзеянні, якія груба парушаюць грамадскі парадак) і ч. 1 арт. 361‑3 КК (удзел на тэрыторыі замежнай дзяржавы ва ўзброеным фармаванні ці ўзброеным канфлікце). Ян сваю віну не прызнаў.
У снежні 2023 года яго асудзілі паводле справы аб непадпарадкаванні адміністрацыі калоніі (арт. 411) і далі тры месяцы зняволення і змянілі рэжым утрымання на больш строгі. А ў красавіку 2025 года яму прызначылі яшчэ дзевяць месяцаў зняволення па гэтым жа артыкуле.
Да вызвалення Ян, з інфармацыі «Вясны», знаходзіўся ў калоніі №20.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары