Андрэй Швед, архітэктар рэпрэсій, прызначаны старшынёй Вярхоўнага суда
52‑гадовы Швед быў таксама адным з аўтараў ідэі вяртання да тэмы «генацыду беларускага народа».
Андрэй Швед прызначаны старшынёй Вярхоўнага суда, такое рашэнне прыняў УНС. Раней ён быў генеральным пракурорам.
Андрэй Швед быў самым актыўным і ініцыятыўным з лукашэнкаўскіх сілавікоў. Гэта пад яго кіраўніцтвам працуе «камісія па вяртанні» — прычым ён усяляк ставіў палкі ў колы тым, хто хаця б намякаў на патрэбы змяншэння рэпрэсій. Пры ім пракуратура стала галоўным карным органам. А сам Швед захапіў Лукашэнку ідэяй «генацыда беларускага народа».
Швед нарадзіўся ў 1973 годзе ў Глушкавічах Лельчыцкага раёна Гомельскай вобласці. У канцы 1970‑х гадоў яго бацька загінуў у аўтамабільнай аварыі падчас паездкі на радзіму жонкі ў Магілёўскую вобласць. Неўзабаве маці разам з дзецьмі пераехала ў Леніна Горацкага раёна.
Андрэй Швед скончыў у 1996 годзе юрыдычны факультэт БДУ. У 1996—1998 гадах працаваў на розных пасадах у органах пракуратуры Мінска.
У 1998—2006 гадах праходзіў службу на розных пасадах у Генпракуратуры. У 1999—2003 гадах працаваў старшым пракурорам аддзела Генпракуратуры па наглядзе за расследаваннем крымінальных спраў і выкананнем законаў па барацьбе з арганізаванай злачыннасцю і карупцыяй.
У 2005—2006 гадах — начальнік упраўлення прававога забеспячэння, інфармацыі і грамадскіх сувязяў Генпракуратуры. З 2006 па 2010 год — начальнік экспертна-прававога аддзела Дзяржаўнага сакратарыята Рады бяспекі.
У 2010—2011 гадах працаваў намеснікам генеральнага пракурора. З’яўляўся кіраўніком следчай групы па справе аб выбуху ў мінскім метро ў 2011 годзе.
З 2012 па 2013 года працаваў першым намеснікам старшыні Следчага камітэта.
З 22 красавіка 2013 года па 9 верасня 2020 года — старшыня Дзяржаўнага камітэта судовых экспертыз.
9 верасня 2020 года прызначаны генеральным пракурорам.
У верасні 2022 года выказаўся супраць амністыі людзей, якія трапілі пад палітычныя рэпрэсіі.
У лютым 2023 года ўзначаліў камісію па разглядзе зваротаў грамадзян, якія знаходзяцца за мяжой, па пытаннях учыненых імі правапарушэнняў.
Вярхоўны суд з 1997 года ўзначальваў Валянцін Сукала.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі20
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1616
Каментары
После этого карьера Шведа пошла в гору.