Дональд Трамп прызначыў губернатара штата Луізіяна Джэфа Лэндры спецпасланнікам па Грэнландыі
Прэзідэнт ЗША прызначыў губернатара штата Луізіяна Джэфа Лэндры спецыяльным пасланнікам у справах Грэнландыі. Пра гэта кіраўнік Белага дома паведаміў у сваёй сацыяльнай сетцы Truth Social.
Сам Лэндры адзначыў, што «зрабіць Грэнландыю часткай ЗША» — вялікі гонар для яго.
Чаму Трамп прызначыў на гэтую пасаду менавіта 54‑гадовага рэспубліканца, які стаў губернатарам Луізіяны ў 2024 годзе, у Белым доме не патлумачылі.
Адміністрацыйныя цэнтры Луізіяны, якая з'яўляецца амаль самым паўднёвым мацерыковым штатам, і Грэнландыі падзяляе каля 4600 км па паветры, аднак губернатары геаграфічна бліжэйшых паўночных штатаў — пераважна прадстаўнікі Дэмакратычнай партыі.
Традыцыйна Белы дом прызначае спецпасланнікаў падчас міжнародных крызісаў і складаных перамоў, піша Deutsche Welle.
Раней дацкія СМІ паведамлялі, што адміністрацыя ЗША спрабуе наладзіць прамыя кантакты з уладамі Грэнландыі ў абыход урада Даніі і праводзіць на востраве «схаваныя аперацыі ўплыву»
Улады Даніі называюць усе спробы замежнага ўмяшання ў дачыненні паміж Капенгагенам і Грэнландыяй недапушчальнымі. Пакуль яны не каментавалі прызначэнне Джэфа Лэндры на пасаду спецпасланніка ЗША ў справах Грэнландыі.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца9
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1313
Каментары