Ролік у тыктоку пра Беларускі рэспубліканскі саюз моладзі справакаваў бурную рэакцыю людзей. «Калі прымушаюць любіць радзіму, то любіць яе няма за што», — гэта яшчэ самае лёгкае, што напісалі ў каментарах.
Ілюстрацыйнае фота / сацсеткі
Карыстальнікі тыктока згадваюць, як іх спрабавалі завабіць у БРСМ абяцаннямі розных ільгот, якія на практыцы аказаліся пустым гукам:
«Ой, мне калісьці таксама ў школе распавядалі пра «плюшкі» БРСМ… Па факце ж, акрамя пабораў, не было нічога… Затое плаці рэгулярна…»
222 чалавекі пацвердзілі тое самае лайкамі.
«У сэнсе — дадатковыя балы пры паступленні? Гэта чымсьці абгрунтавана?» — задаецца пытаннем недасведчаны глядач. Яму тлумачаць:
«Ніякіх балаў не даюць, але калі я не памыляюся, у выпадку, калі будзе апошняе месца, і на яго будуць прэтэндаваць два чалавекі з аднолькавымі баламі, то ў прыярытэце той, хто ўваходзіць у БРСМ».
«Без БРСМ атрымаеш паводзіны толькі «задавальняючыя» і не зможаш прэтэндаваць на атэстат асаблівага ўзору, калі гадавыя адзнакі 9 і 10».
Іншыя гледачы даводзяць, што ўсе гэтыя абяцанкі — звычайная мана:
«Усё гэта лухта. Ніякіх абяцаных ільгот пры паступленні не даюць. Падлеткаў, якія не разумеюць, у што яны ўблытваюцца, проста купляюць за лжывыя абяцанні дзеля статыстыкі і паказухі лаяльнасці да акупантаў».
З гэтым пагаджаецца яшчэ адна карыстальніца:
«Гэта дакладна. Пры паступленні ў каледж у маёй дачкі нават не спыталі, ці знаходзіцца яна ў гэтай, так бы мовіць, арганізацыі. Глядзелі на бал».
Асаблівы рэзананс выклікалі гісторыі аб прымусе і наездах, з якімі многія сутыкаліся асабіста:
«У школах актыўна агітуюць ісці ў БРСМ» — не тое слова. Нам простым тэкстам у 9‑м класе сказалі, што тыя, хто ў БРСМ, будуць мець значную перавагу ў параўнанні з астатнімі. Тады ж усю паралель прымусілі ўступіць у БРСМ».
«Мне 26, гэтым летам мяне зноў спрабавалі прымусіць туды ўступіць, я здавала на іх арганізацыю 15 рублёў, не знаходзячыся там, абы галаву не дурылі. Усё, што трэба ведаць )))».
«Нешта ў нас пра ўступленне ў БРСМ ніхто не пытаўся. Проста перад фактам паставілі і ўсё».
«Мой таксама не пайшоў. Якія «плюшкі»? Я была ў БРСМ — толькі адлічэнні і бясплатна па суботах прыбіраць».
«У мяне ў каледжы ў БРСМ ідуць толькі для таго, каб пайсці працаваць на прадпрыемства падчас канікул, каб зарабіць грошы, і больш нічога. А пра патрыятычнае выхаванне — ёсць куратарскія гадзіны, на якіх на бягучы момант, 19.12.25, размаўляем пра Хатынь і зверствы фашыстаў, і на парах гісторыі тое самае».
Многія каментатары звяртаюць увагу на прафанацыю і фактычную адсутнасць рэальнай працы ў моладзевых арганізацыях:
«У нас чыста пасвяцілі ў піянеры — гальштукі за 3 рублі і ўсё».
«Я ўваходжу ў БРСМ нібыта, але я там нічога не раблю».
Гледачы іранізуюць над тым, што за дзесяцігоддзі метады працы так і не змяніліся, а самі арганізацыі ператварыліся ў механізм для асваення рэсурсаў:
«34 гады прайшло, а ўсё піянеры і камсамольцы», «трэба ж карміць БРСМ».
Адзін з каментатараў праводзіць прамыя паралелі паміж сучаснасцю і савецкім мінулым:
«Усё гэта поўная лухта… усё гэта ўжо было… хадзілі строем пад горн і барабан, стаялі ў ганаровых вартах каля помнікаў Другой сусветнай… вучылі гімны СССР і БССР… вучылі, так бы мовіць, любіць радзіму… памятаю яшчэ».
Спробы «прышчапіць» патрыятызм праз сілу выклікаюць у гледачоў толькі скепсіс і трывожныя асацыяцыі з таталітарызмам:
«Калі прымушаюць любіць радзіму, то любіць яе няма за што», — выказвае сваё меркаванне глядач і знаходзіць масавую падтрымку іншых.
«Паўночная Карэя ўсё бліжэйшая і бліжэйшая», — з сумам заўважае іншы.
Яшчэ адзін карыстальнік выказаўся больш катэгарычна, падсумаваўшы агульны настрой дыскусіі:
«Цытую Юрыя Шаўчука: «Радзіма — гэта не жопа прэзідэнта». Дык вось, радзіма — гэта не памяць пра Другую вайну, гэта не аповеды пра забароны сходаў і мітынгаў. На фоне ўсіх гэтых дагматызмаў забыліся на тое, для чаго наогул школа была прыдуманая».
Амерыканскі мірны план прадугледжвае дэмілітарызаваную зону на Данбасе і адмову Украіны ад уступлення ў НАТА2626
Амерыканскі мірны план прадугледжвае дэмілітарызаваную зону на Данбасе і адмову Украіны ад уступлення ў НАТА26
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
«Быў пустэльнікам, але быў спакойны». Што вядома пра пенсіянера, які страляў па міліцыі ў Астравецкім раёне1919
«Быў пустэльнікам, але быў спакойны». Што вядома пра пенсіянера, які страляў па міліцыі ў Астравецкім раёне19
Памерла Таццяна Прановіч — выкладчыца журфака БДУ і дачка Івана Чыгрынава77
Памерла Таццяна Прановіч — выкладчыца журфака БДУ і дачка Івана Чыгрынава7
Рух на плошчы Бангалор у Мінску зменіцца. Новаўвядзенні глабальныя1616
Рух на плошчы Бангалор у Мінску зменіцца. Новаўвядзенні глабальныя16
Славутага беларускага псіхолага абвінавацілі ў харасменце. Праз гэта цяпер могуць быць праблемы не толькі ў яго4949
Славутага беларускага псіхолага абвінавацілі ў харасменце. Праз гэта цяпер могуць быць праблемы не толькі ў яго49
Жыгар: Лабісты Лукашэнкі неўзабаве выступяць з адкрытым лістом за «далучэнне ЕС да гуманітарнага трэку»121121
Жыгар: Лабісты Лукашэнкі неўзабаве выступяць з адкрытым лістом за «далучэнне ЕС да гуманітарнага трэку»121
У Мінску адмянілі сустрэчу з лідарам духоўнага фонду, які параўноўваюць з сектай — а планавалі сабраць «Чыжоўка-Арэну»1717
У Мінску адмянілі сустрэчу з лідарам духоўнага фонду, які параўноўваюць з сектай — а планавалі сабраць «Чыжоўка-Арэну»17
Пад Ваўчанскам загінуў 40‑гадовы «Зубр» з Аршанскага раёна. Ваяваць за Расію ён пайшоў праз даўгі99
Пад Ваўчанскам загінуў 40‑гадовы «Зубр» з Аршанскага раёна. Ваяваць за Расію ён пайшоў праз даўгі9
Гэтая кніга пра «традыцыйную жонку» стала адной з самых папулярных у 2026‑м і ўжо зацікавіла Галівуд77
Гэтая кніга пра «традыцыйную жонку» стала адной з самых папулярных у 2026‑м і ўжо зацікавіла Галівуд7
У Астравецкім раёне 65‑гадовы вясковец страляў у міліцыянераў. Яго забілі3737
У Астравецкім раёне 65‑гадовы вясковец страляў у міліцыянераў. Яго забілі37
Каментары