Грамадства44

Як у Брэсце адкрывалі таблічку з QR-кодам — з чыноўнікамі, святаром і школьнікамі ў стойцы «зважай!»

У Брэсце ў рамках праекта «Лічбавая зорка» адкрылі чарговую таблічку з QR-кодам. Гэтым разам — пад мемарыяльнай дошкай маршала СССР Георгія Жукава, што на ўваходзе ў гімназію №6 у Паўднёвым мікрараёне, піша BGmedia. 

Школьнікаў прымусілі стаяць па стойцы «зважай!» падчас адкрыцця таблічкі

Звычайнай устаноўкі таблічкі з QR-кодам было мала, таму з гэтага зрабілі паказушнае мерапрыемства, назваўшы яго памятным. У ім паўдзельнічалі чыноўнікі і, мяркуючы па фотаздымках, мясцовы святар. Навошта ён там патрэбны, невядома.

А навучэнцаў гімназіі вывелі на вуліцу і пастроілі ў рад. Дзве вучаніцы і ўвогуле стаялі пад таблічкай па стойцы «зважай!». Відаць, ахоўвалі.

Намеснік кіраўніка адміністрацыі Маскоўскага раёна Брэста Ала Ульяніцкая заявіла падчас гэтай падзеі, што «захаванне гістарычнай памяці з'яўляецца адной з асноў духоўных і культурных традыцый беларускага народа, якая забяспечвае неразрыўную сувязь паміж мінулым і сучаснасцю на шляху міру і стварэння».

У нармальнай практыцы такія таблічкі ўсталёўваюцца спакойна і без лішняга шуму. Гэта зручны спосаб даведацца больш інфармацыі пра чалавека ці нейкую падзею. Але ў ідэалагічным парадку дня нават таблічка становіцца падставай для пратакольнага рытуалу.

Таму што трэба нешта адкрыць. І недзе даць справаздачу.

Брэстчане, якія ўбачылі ў сацсетках гэту навіну і фотаздымкі, не маглі стрымацца.

«Штосьці я спачатку падумаў, што мемарыяльную дошку новую павесілі. А тут, аказваецца, усяго толькі таблічку з QR-кодам знізу прыкруцілі да сцяны».

«Урачыстае адкрыццё таблічкі? Урачыстае? Сур'ёзна?»

Што за праект «Лічбавая зорка»

«Лічбавая зорка» — гэта праект БРСМ па алічбаванні памятных месцаў як на тэрыторыі Беларусі, так і па ўсім свеце, звязаных з падзеямі Вялікай Айчыннай вайны.

Паводле задумы ўладаў, праект накіраваны на «фарміраванне духоўна-маральных, грамадзянскіх якасцяў асобы, на развіццё цікавасці і павагі да помнікаў баявой славы, якія ўвекавечылі трагічныя і гераічныя падзеі мінулага».

Знакавым месцам прысвойваюць QR-код, праз які можна перайсці на сайт праекта з інфармацыяй пра падзеі, што там адбываліся. Натуральна, з пункту гледжання цяперашніх уладаў.

Вядома, што да 3 траўня 2024 года ў Брэсце адкрылі 15 такіх таблічак з QR-кодамі. А з тых часоў прайшло паўтара года. Можна ўявіць, колькі за гэты час адкрылі яшчэ.

Каментары4

  • .
    03.12.2025
    1. Першы кадр не вельмі ўдалы. Калі ўзяць больш (паглядзіце на другім), то было б больш прыгожа: маршал Жукаў з камерай на галаве.

    2. Праект з QR-кодамі небяспечны. Коды могуць замяніць і гэта доўга ніхто не заўважыць. Напрыклад, на рэкламу наркотыкаў, або, яшчэ горш, на экстрэмісцкую выяву бчб у вікіпедыі.
  • Вызывайце псiхiятраў
    03.12.2025
    Невылечныя.
  • Ёсік
    03.12.2025
    У СССР такой ганьбы не было, дык мо й стогнуць некаторыя па тым часе ды той краіне, а мы не разумеем іхняй настальгіі.

Цяпер чытаюць

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Усе навіны →
Усе навіны

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста6

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны3

Падлеткі п'юць лекі ад раку, каб стаць вышэйшымі. Дактары б'юць трывогу

больш чытаных навін
больш лайканых навін

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць