Ці зможа пенсіянерка атрымаць спадчыну, калі сужыцель памёр, а афіцыйнага шлюбу не было? Шанцы ёсць
Не патрэбнае нават завяшчанне.
«Я пенсіянерка. 23 гады жыла з мужчынам, які цяпер памёр. У шлюбе мы не знаходзіліся. Ці маю я права на спадчыну пасля яго смерці, калі не было складзена завяшчанне?», — спытала жыхарка Рэчыцы Валянціна ў мясцовага выдання «Дняпровец».
«Да ліку спадчыннікаў па законе адносяцца грамадзяне, якія да моманту адкрыцця спадчыны з'яўляліся непрацаздольнымі і не менш за адзін год знаходзіліся на ўтрыманні спадчынадаўца і пражывалі сумесна з ім. Такім чынам, пры захаванні вышэйназваных умоў вы будзеце мець права на спадчыну пасля яго смерці»,
— патлумачыла адвакатка Антаніна Музычэнка з юрыдычнай кансультацыі Рэчыцкага раёна.
Так што ў пенсіянеркі, якая пражыла з мужчынам больш за год, ёсць тыя ж правы, што ў яго сваякоў першага калена — дзяцей, братоў, сясцёр і афіцыйнай жонкі.
Каментары