У Дзяржынску лавілі казулю, якая прыбегла на двор дзіцячага цэнтра ВІДЭА
Спачатку жывёліну заўважылі ў горадзе на вуліцы Дзяржынскага. Пазней у МНС звярнуўся ахоўнік Дашкольнага цэнтра развіцця дзіцяці Дзяржынска: казуля нейкім чынам трапіла на тэрыторыю.
На месца выехалі пяць ратавальнікаў. Да аперацыі таксама падключыліся спецыялісты Дзяржынскай раённай ветэрынарнай станцыі. Задача стаяла нялёгкая: акуратна злавіць напалоханую, моцную і хуткую жывёлу, не траўмаваць яе і не даць выбегчы на праезную частку.
Казулю ўдалося бяспечна затрымаць, яна не пацярпела. Пакуль жывёліну вырашылі адвезці ў заапарк у Станькаве, дзе даглядаюць дзікіх жывёл.
Каментары