Украінскага белага тыгра эвакуююць ад вайны ў Вялікабрытанію. Зараз ён чакае пераноску адпаведнага памеру
Белага тыгра па імені Алекс вывязуць з прытулку для кінутых жывёл пад Кіевам у Лінкальншырскі парк дзікай прыроды ва ўсходняй Англіі, распавялі Бі‑бі‑сі ў кіраўніцтве гэтай установы.
Алекса знайшлі кінутым летась у Харкаўскай вобласці. Зараз ён жыве ў «Цэнтры выратавання дзікіх жывёл» у Чубінскім Кіеўскай вобласці.
Стыў Нікалс, генеральны дырэктар Лінкальншырскага парку дзікай прыроды, распавёў, што тыгр утрымліваецца ў «бетоннай скрынцы з саломай на падлозе», але гэта максімум таго, што могуць забяспечыць валанцёры шэлтара. «Бедныя людзі ледзьве спраўляюцца з тым, каб вада не замярзала, — адзначыў ён. — Мы так востра перажываем, што на гэты бок працэсу мы паўплываць не можам».
Па словах Нікалса, яго заапарк аформіў усе дакументы на перавозку жывёлы ў Злучанае Каралеўства, і зараз засталося даставіць спецыяльны кантэйнер для яго транспарціроўкі. «Зараз мы на той стадыі, калі засталося толькі атрымаць габарыты кантэйнера, каб можна было падабраць машыну і дату перавозкі», — растлумачыў ён.
З Украіны тыгра павязуць праз Польшчу і краіны Паўночнай Еўропы ў англійскі порт Дуўр, а адтуль — у Лінкальншырскі парк дзікай прыроды. «Я б сказаў, што на працягу трох тыдняў ён адправіцца ў шлях», — дадаў дырэктар.
Паводле інфармацыі заапарка, калі тыгра знайшлі без нагляду, ён быў знясіленым, абязводжаным і заражаным паразітамі. У яго выявілі праблемы з печанню, ныркамі і страўнікава-кішачным трактам.
Нікалс абяцае, што ў Англіі звер зможа «жыць у раскошы», а не «прачынацца з абледзянелым футрам».
Па прыбыцці яму арганізуюць працэс адаптацыі з трох стадый. Спачатку тыгра паселяць у закрытым памяшканні з прасторай для сну, для гульняў і для кармлення. Пазней пад кантролем ветэрынараў ён зможа перабрацца ў адкрыты вальер, а затым пазнаёміцца з іншымі тыграмі парку.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары