У марозную ноч 20 студзеня ў вёсцы Марс Дзяржынскага раёна загарэлася хата. У ёй была толькі гаспадыня — Кацярына Віктараўна, якая працуе на чыгунцы і самастойна вядзе гаспадарку. Усё магло б скончыцца трагічна, каб не хатні гадаванец, піша Dzr.by.
Падобны пажар ужо здарыўся з жанчынай у 2018 годзе, тады ён таксама пачаўся з печкі. Гэтым разам прычына — адсутнасць супрацьпажарнага водступу: печ была ўстаноўленая занадта блізка да сцяны.
Кацярына, стомленая шасцідзённым працоўным тыднем, заснула позна і не пачула, як па хаце пайшоў дым. Аўтаномны пажарны апавяшчальнік таксама не спрацаваў — батарэйкі былі разраджаныя. Жыццё жанчыны ўдалося выратаваць дзякуючы кату Марціну, які пабудзіў яе ўначы не мяўканнем, а крыкам, і нават кусаў гаспадыню за рукі.
У паніцы Кацярына адчыніла вокны, але потым зразумела, што гэта небяспечна, і зачыніла іх. Замест 101 яна памылкова набрала 104, але званок хутка пераадрасавалі ў МНС. Пажарнікі прыбылі за 10—15 хвілін і выратавалі хату — сур’ёзна пашкоджаная толькі адна сцяна.
Кот пасля пажару вырашыў схавацца пад падлогай, будучы ў шоку. Каб яго выратаваць, прыйшлося прасіць дапамогу суседа і падымаць падлогу. Марцін быў напалоханы, але жывы. Цікава, што раней гаспадыня падабрала кацяня, выкінутае на вуліцу, а цяпер кот выратаваў сваю гаспадыню.
Акрамя Марціна, у яе ёсць яшчэ адзін кот і сабака.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары