У Пінску пенсіянерка правалілася на сваім аўто ў яму дарожнікаў. Яе яшчэ і аштрафавалі
Зрэшты, пакаралі і рабочага, вось толькі жанчыне ад гэтага не лягчэй.
На адной з вуліц Пінска праводзіліся рамонтныя работы. 43‑гадовы рабочы паленаваўся агароджваць тэрыторыю, таму пакінуў яміну як ёсць і адышоў па справах.
Міма на сваім Mitsubishi праязджала 64‑гадовая жанчына. Яе асляпіла сонца, і пенсіянерка ўехала ў яму. З ёй усё нармальна, а вось аўтамабіль атрымаў пашкоджанні.
Хто вінаваты? А ўсе.
На рабочага склалі пратакол па артыкуле 18.32 Кодэкса аб адміністратыўных правапарушэннях «Парушэнне правіл утрымання дарог, вуліц, чыгуначных пераездаў і іншых дарожных збудаванняў». Калі прызнаў віну, то атрымаў 4 базавыя велічыні штрафу.
Жанчыну пакаралі па артыкуле 18.18 Кодэкса аб адміністратыўных правапарушэннях за «парушэнне іншых правіл дарожнага руху». Штраф для яе будзе мізэрны, аднак машыну давядзецца аднаўляць за свой кошт.
Каментары
A što ž KASKO ?
"It covers damage to your own car, even if you are at fault for the accident"...!
Ci nie ?