Расійскія войскі ўдарылі па шматпавярховіку ў гістарычным цэнтры Харкава
Увечары 2 студзеня расійскія войскі нанеслі ракетны ўдар па цэнтры Харкава. Адна з ракет трапіла ў шматпавярховы жылы дом у Кіеўскім раёне горада. Паводле апошніх даных мэра горада Ігара Церахава, у выніку ракетнага ўдару жылы дом разбураны, пацярпелі да 16 чалавек.
У сацыяльных сетках з'явілася відэа, на якім зафіксаваны момант трапляння ракеты ў будынак па вуліцы Алеся Ганчара, у гістарычным цэнтры горада.
Кіраўнік Харкаўскай абласной ваеннай адміністрацыі (АВА) Алег Сінягубаў паведаміў, што ў выніку ўдару дом быў цалкам разбураны. Таксама пашкоджаныя фасады і выбітыя вокны ў суседніх будынках.
Паводле ягоных слоў, шэсць чалавек шпіталізаваныя. Сярод іх адна жанчына знаходзіцца ў цяжкім стане. Астатнім пацярпелым дапамога была аказана на месцы.
На атаку адрэагаваў прэзідэнт Украіны Уладзімір Зяленскі. Паводле яго інфармацыі, па горадзе ўдарылі дзвюма ракетамі.
«Жахлівы расійскі ўдар па Харкаве. Проста па жылой забудове. На жаль, менавіта так расіяне ставяцца да жыцця і да людзей — працягваюць забойствы, і гэта нягледзячы на ўсе намаганні свету і найперш Злучаных Штатаў у дыпламатычным працэсе. Толькі Расія не хоча завяршэння гэтай вайны і кожны дзень робіць усё, каб вайна працягвалася», — напісаў Зяленскі ў сваім тэлеграм-канале.
Прэзідэнт Украіны падкрэсліў, што гэты ўдар яшчэ раз даказвае неабходнасць узмацнення ўкраінскай супрацьпаветранай абароны (СПА) і падтрымкі Украіны з боку міжнародных партнёраў.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары