Свет11

Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек

Следства назвала папярэднюю прычыну жудаснага пажару, які адбыўся ў навагоднюю ноч на швейцарскім курорце Кран-Мантана. Паводле асноўнай версіі, трагедыя, што забрала жыцці 40 чалавек, адбылася з-за бенгальскіх агнёў, якімі ўпрыгожылі бутэлькі з шампанскім.

Фотаздымак, на якім, меркавана, засняты пачатак пажару ў бары Le Constellation, выкліканы бенгальскімі агнямі ў шампанскім. Фота з сацсетак

Пра гэта паведамляе Deutsche Welle.

Трагедыя здарылася ў бары Le Constellation каля 1:30 ночы 1 студзеня, калі госці святкавалі надыход Новага года.

«Усё сведчыць пра тое, што пажар пачаўся з-за бенгальскіх агнёў, прымацаваных да бутэлек з шампанскім. Яны аказаліся занадта блізка да столі», — заявіла генеральны пракурор кантона Вале Беатрыс Пілу.

Бар Le Constellation да пажару. Фота: Tripadvisor

Яшчэ адным фактарам, які спрыяў катастрафічна хуткаму распаўсюджванню агню, стала тое, што столь была пакрытая акустычнай пенай — яна імгненна ўспыхнула. Следчыя выключылі версіі тэракта ці наўмыснага падпалу.

Ахвяры і сведчанні відавочцаў

Ахвярамі трагедыі сталі пераважна маладыя людзі. Відавочцы расказваюць пра жахлівыя сцэны: людзі выбягалі з палаючага бара і спрабавалі тушыць на сабе вопратку ў снезе.

На гэты момант пацверджана гібель 40 чалавек. Некаторыя целы абгарэлі да непазнавальнасці, людзей спрабуюць устанавіць па металічных аксэсуарах. Сярод загінулых апазнаны 16‑гадовы прафесійны гальфіст з Італіі Эмануэле Галепіні.

Фотаздымак, на якім, меркавана, засняты бенгальскія агні ў шампанскім, што сталі прычынай пажару ў швейцарскім бары. Фота з сацсетак

Яшчэ 119 чалавек атрымалі раненні і апёкі, многія з іх у вельмі цяжкім стане. Сярод пацярпелых — 71 швейцарац, 14 французаў і 11 італьянцаў. Каля 50 чалавек з найбольш цяжкімі апёкамі былі пераведзены ў спецыялізаваныя цэнтры за мяжой, у тым ліку ў бальніцы Берліна, Штутгарта і Людвігсхафена.

Многія сем'і дагэтуль не ведаюць пра лёс сваіх блізкіх. Бацькі зніклых без вестак падлеткаў і замежныя пасольствы спрабуюць высветліць, ці не апынуліся іх грамадзяне сярод загінулых.

Рэакцыя ўладаў

У Швейцарыі абвешчана пяцідзённая нацыянальная жалоба. Мэр Кран-Мантаны Нікаля Фэро паведаміў, што на ідэнтыфікацыю ўсіх загінулых і ўдакладненне канчатковай колькасці ахвяр спатрэбіцца некалькі дзён.

Каментары1

  • Вясковец
    03.01.2026
    Шмат каму, такое здаренне будзе здавацца жахлівым, але паглядіце на відзеа- вось дзе жах. Сучасная моладзь будзе здымаць для тыктока сваю смерць, але і не падумае, што яе можна пазбегнуць. Пытанне маладым аўтарам НН вы упеўнены, што ведаеце сапраўдные рызыкі для сябе?

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць