Вось якія мадэлі аўтамабіляў перастаюць выпускаць. Трох асабліва шкада
Еўрапейскі аўтарынак перажывае адну з самых радыкальных трансфармацый у сваёй гісторыі. Вось асабліва знакавыя страты.
Узмацненне экалагічных нормаў, пераход на электрапрывады і змена прыярытэтаў спажыўцоў прывялі да таго, што ў 2025 годзе з вытворчасці былі знятыя мадэлі, якія дзесяцігоддзямі вызначалі аблічча еўрапейскіх дарог. Многія з іх засталіся без пераемнікаў, піша AutoSwiat.pl.
Ford Focus: развітанне з легендай
Гэта, бадай, самая гучная страта. У лістападзе 2025 года Ford афіцыйна спыніў вытворчасць Focus на заводзе ў Саарлуі (Германія). Мадэль, якая ў 1998 годзе здзейсніла рэвалюцыю ў кампакт-класе, ідзе на спачын пасля 27 гадоў поспеху. Ford вырашыў цалкам засяродзіцца на электрамабілях і красоверах, пакінуўшы нішу класічных хэтчбэкаў і ўніверсалаў гольф-класа пуставаць.
Peugeot 508: апошні з магікан
Не менш балючай для еўрапейскага аўтааматара стала завяршэнне ў 2025 годзе вытворчасці Peugeot 508. Ён быў смелай і вельмі стылёвай альтэрнатывай такім нямецкім аўто, як Audi A4 ці BMW 3-серыі. Аднак попыт на традыцыйныя седаны і ўніверсалы D-класа ў Еўропе імкліва падае.
Часткова яго заменіць Peugeot 408 — на клас ніжэйшы, але пры гэтым толькі на 10 см карацейшы.
Hyundai i10: танныя машыны становяцца гісторыяй
Гэтай машыны шкада больш за ўсё. Сегмент А ў Еўропе амаль мёртвы. Праз высокія патрабаванні да бяспекі і экалогіі вырабляць маленькія танныя машыны стала нявыгадна. Hyundai i10 — адно з апошніх якасных гарадскіх мікрааўто — пакідае рынак у 2025 годзе. Яго месца ў лінейцы займае электрычны Hyundai Inster, але ён каштуе значна даражэй за свайго бензінавага папярэдніка.
Хто яшчэ пакідае еўрапейскія дарогі?
Акрамя вышэйзгаданай тройцы, еўрапейскі рынак у 2025 годзе развітаўся яшчэ з некалькімі знакавымі мадэлямі.
Kia Ceed
Ceed стаў першай Kia, распрацаванай спецыяльна для Еўропы. Сама назва — адсылка да еўрапейскай ідэнтычнасці аўто. Пасля 2018 года брэнд тлумачыў сэнс назвы як Community of Europe, with European Design. У 2025 годзе Kia пачала згортваць класічны Ceed у версіях хэтчбэк і ўніверсал: мадэль сыходзіць з рынку і саступае месца Kia K4, якая павінна стаць новым «галоўным кампактам» брэнда ў Еўропе.
Пры гэтым версія XCeed пакуль застаецца ў лінейцы і, паводле паведамленняў, у 2026 годзе атрымае абнаўленне, што можа падоўжыць яе жыццёвы цыкл. Так ці інакш, эра Ceed як класічнага еўрапейскага хэтчбэка падыходзіць да канца.
Audi A1
Кіраўніцтва Audi афіцыйна пацвердзіла: маленькіх мадэляў больш не будзе. Audi A1 завяршыў свой шлях у 2025 годзе. Кампанія вырашыла засяродзіцца на больш дарагіх і маржынальных сегментах.
Цяпер самым танным Audi стане красовер Q2 ці хэтчбэк A3, а прыхільнікам кампактных прэміум-аўто давядзецца шукаць альтэрнатывы ў іншых брэндаў.
Volvo V90
Volvo заўсёды асацыявалася з вялікімі, бяспечнымі ўніверсаламі. Але цяпер шведскі брэнд імкліва ператвараецца ў вытворцу электрычных красовераў. Вытворчасць флагманскага ўніверсала V90 спынена ў кастрычніку 2025 года. Гэта балючы ўдар па фанатах маркі: лінія вялікіх Volvo, што пачалася 50 гадоў таму з мадэлі 265, можа абарвацца назаўсёды.
Mazda MX-30
У 2025 годзе еўрапейскі рынак пакінуў красовер Mazda MX-30. Разам з ім сышла і ўнікальная тэхналогія — ротарны рухавік Ванкеля, які толькі нядаўна вярнуўся ў версіі R-EV пасля доўгага перапынку.
Вытворчасць мадэлі MX-30 завяршылася на мяжы 2024 і 2025 гадоў, і хоць Mazda абяцае выкарыстоўваць ротар у будучыні, зараз гэты незвычайны аўтамабіль застаецца без прамога наступніка.
Toyota Highlander
Вялікі сяміасабовы SUV ад Toyota быў спробай прышчапіць амерыканскія каштоўнасці на еўрапейскай глебе. Аднак у Еўропе Highlander сутыкнуўся з жорсткай канкурэнцыяй і экалагічнымі патрабаваннямі. У 2025 годзе мадэль пакінула еўрапейскія шоўрумы. Ролю флагмана брэнда цяпер будзе выконваць новы Land Cruiser 250.
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага15
Каментары
Вы хоць у курсе, што Еўрасаюз адмяніў забарону выпуску аўтамабіляў з рухавікамі на паліве ў 2035-м годзе? Пагарачыліся )
EV не змогуць замяніць "звычайныя" аўто на 100% [ніколі]
+ калі ўлічыць поўны цыкл вытворчасці-эксплуатацыі-утылізацыі EV, то аўто на паліве аказваюцца ці не ўдвая "зелянейшымі"
300 км проезжают даже бюджетные авто.
средний сегмент - 400.
премиум - 500.
еще 2-3 года и все цифры прибавят по 100 км минимум. а через 5 и по 200.
даже у нас зарядок УЖЕ хватает, чтобы один раз попив кофе минут 30-40, проехать всю страну в любом направлении с одной подзарядкой.
откуда вы такие беретесь-то? ментально застрявшие в конце 10-х.
[Зрэдагавана]