27‑гадовы хлопец разам з прыяцелем уначы адпачываў на вул. Зыбіцкай, дзе пазнаёміўся з 18‑гадовай дзяўчынай. У яе былі акуляры вядомага брэнда, якія вельмі спадабаліся фігуранту, — ён нават папрасіў дазволу іх прымераць, пішуць Мінск-навіны.
Раніцай, калі ўстановы зачыніліся, прыяцелі пайшлі следам за новай знаёмай. Утрох яны ішлі па вул. Максіма Багдановіча. Раптам хлопец сарваў з галавы дзяўчыны акуляры і надзеў іх. Пасля ён папрасіў прыяцеля выклікаць таксі.
Дзяўчына пачала патрабаваць вярнуць аксэсуар, але фігурант груба ёй адказаў, сеў у пад’ехаўшы аўтамабіль і паехаў дадому.
Дзяўчына звярнулася ў міліцыю, ацаніўшы прычыненую ёй шкоду ў 500 рублёў. Асобу падазраванага ўстанавілі хутка, завялі крымінальную справу.
Яму выстаўлена абвінавачанне ў адкрытым выкраданні маёмасці (рабаўніцтве, ч. 1 арт. 206 КК, санкцыя якой — да чатырох гадоў пазбаўлення волі). Віну цалкам прызнаў.
У дачыненні да абвінавачанага ўжыта мера стрымання ў выглядзе падпіскі аб нявыездзе і належных паводзінах.
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары
Толькі брэнд меў каштоўнасць ?