У Кадырава перасталі працаваць ныркі, Крэмль шукае новага кіраўніка Чачні — ГУР
У кіраўніка Чачэнскай рэспублікі Рамзана Кадырава пагоршыўся стан здароўя з-за праблем з ныркамі, у Крамлі абмяркоўваюць патэнцыйных кандыдатаў на яго пасаду, піша «Укрінформ» са спасылкаю на ананімную крыніцу ў Галоўным упраўленні разведкі Міністэрства абароны Украіны.
У паведамленні сцвярджаецца, што з-за праблем з ныркамі Кадыраў знаходзіцца на працэдуры дыялізу, і дактары не даюць ніякіх прагнозаў.
Паводле даных крыніц у ГУР МА Украіны, цяпер Кадыраў знаходзіцца ва ўласнай бальніцы ў Чачні, да яго з'ехаліся члены сямейнага клана, у тым ліку і з іншых краін.
На фоне дрэннага стану здароўя Кадырава значна актывізаваўся працэс вызначэння кандыдатуры на месца новага кіраўніка Чачні.
Сярод найбольш імаверных і зручных для Крамля кандыдатаў называюць Магамеда Даудава, Апці Алаўдзінава і старэйшага сына Рамзана — Ахмата Кадырава.
Днямі кіраўнік Чачні Рамзан Кадыраў прызначыў свайго 20‑гадовага сына Ахмата на пасаду выканаўцы абавязкаў намесніка старшыні ўрада рэспублікі з захаваннем пасады міністра спорту.
Яшчэ ў 2024 годзе выданне «Новая газета Еўропа» паведаміла, што Рамзан Кадыраў невылечна хворы.
-
Спецпрадстаўнік ЗША: Данія пасля Другой сусветнай вайны заняла тэрыторыю Грэнландыі ў абыход нормаў ААН
-
Наўседа: Гандаль каштоўнасцямі непрымальны, Літва па-ранейшаму будзе блакаваць транзіт беларускіх угнаенняў
-
«Галава выбухала знутры». Белы дом распаўсюдзіў сведчанні аб выкарыстанні сакрэтнай зброі пры захопе Мадура
Каментары