Вальфовіч: У Беларусі венесуэльскі сцэнарый немагчымы, бо сілавікі не маюць права здрадзіць Лукашэнку
Дзяржаўны сакратар Рады бяспекі Беларусі Аляксандр Вольфовіч заявіў, што ў Венесуэле амерыканскія спецпадраздзяленні змаглі без усялякіх перашкод праляцець над тэрыторыяй краіны і правесці аперацыю па захопе Нікаласа Мадура таму, што ў атачэнні венесуэльскага кіраўніка адбылася здрада.
На думку Аляксандра Вальфовіча, тое, што адбылося ў Венесуэле, стала магчымым з-за здрады ўнутры краіны — у дачыненні як да кіраўніка дзяржавы, так і да дзейнай улады. Ён падкрэсліў, што замежныя вайскоўцы не атрымалі ў адказ нават папераджальных стрэлаў.
Вольфовіч запэўніў, што падобны сцэнар у Беларусі немагчымы. Па яго перакананні, беларускія сілавікі не здольныя на здраду і не могуць пайсці супраць свайго кіраўніка:
«Мы не можам здрадзіць свайму прэзідэнту, проста не маем на гэта права».
Разам з тым ён адзначыў, што ў Беларусі загадзя прадугледжаны заканадаўчыя механізмы на выпадак, калі Лукашэнка часова не зможа выконваць свае абавязкі. У такіх сітуацыях мае сабрацца Рада бяспекі, каб прыняць неабходныя рашэнні, і гэта нібыта гарантуе бесперапыннае кіраванне дзяржавай без страты кантролю нават на кароткі час.
Лукашэнка пра выкраданне Мадура: Гэта саступка Трампа вайскоўцам за Афганістан
Лукашэнка пачынае ўсведамляць наступствы разбурэння сусветнага парадку
«Грубы імперыялізм». З'явіўся аналіз новай палітыкі ЗША вачыма лукашэнкаўскіх сілавікоў
Анархіст Дзядок пра аперацыю ў Венесуэле: Вялікая дубінка ў добрых руках
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары