Свет11

Расійскі дыпламат, які загінуў на Кіпры, хутчэй за ўсё, працаваў на ГРУ. Магчыма, ён хацеў перабегчы на Захад

Як вынікае з кіпрскага дыпламатычнага спісу, памерлым з’яўляецца трэці сакратар пасольства РФ Аляксей Паноў, чыя смерць папярэдне разглядаецца як самагубства, паведамляе тэлеграм-канал «Эхо».

Пасольства Расіі на Кіпры. Фота: visa-exp.com

Даследчык расійскага ўплыву за мяжой Дзмітрый Хмяльніцкі паведаміў «Эху», што, паводле яго крыніц, 41‑гадовы Паноў быў афіцэрам ГРУ ў званні капітана. Да накіравання на Кіпр ён, як сцвярджаецца, працаваў у Маскве ў інстытуце, звязаным з радыётэхнікай, дзе, магчыма, працавала і ягоная жонка.

У пасольстве Паноў, на думку эксперта, займаўся абслугоўваннем шпіёнскага абсталявання — як на тэрыторыі дыпмісіі, так і, верагодна, па-за яе межамі.

Хмяльніцкі звяртае ўвагу на падазроныя абставіны вакол смерці дыпламата: Паноў памёр 8 студзеня, але пасольства паведаміла пра гэта толькі праз чатыры дні. Пры гэтым кіпрскую паліцыю не дапусцілі на тэрыторыю пасольства і не перадалі ёй перадсмяротную запіску, якую нібыта пакінуў загінулы.

На думку эксперта, калі б гаворка ішла выключна пра асабістыя прычыны самагубства, не было б патрэбы так доўга хаваць інфармацыю. Ён мяркуе, што маглі існаваць сур’ёзныя абставіны, з-за якіх ішлі кансультацыі з Масквой, і не выключае версію, што Паноў мог рыхтаваць уцёкі, якія былі раскрытыя і спыненыя — што, паводле яго слоў, характэрна для савецкіх і расійскіх спецслужбаў.

Хмяльніцкі таксама адзначыў, што расійскія пасольствы ўжо даўно выконваюць хутчэй разведвальныя функцыі, чым дыпламатычныя, а цяпер, калі класічная дыпламатыя фактычна зведзена да мінімуму, разведка стала амаль адзіным іх заняткам. Ён дадаў, што толькі дарадцаў — пасад, якія адпавядаюць званню палкоўніка, — у расійскім пасольстве на Кіпры налічваецца восем чалавек, не лічачы сакратароў розных узроўняў.

Пры гэтым эксперт паведаміў, што не мае звестак пра магчымае знікненне на Кіпры былога кіраўніка «Уралкалія» Уладзіслава Баўмгертнера напярэдадні смерці Панова і не можа пацвердзіць сувязь паміж гэтымі падзеямі.

Афіцыйную прычыну смерці Панова расійскія ўлады так і не назвалі. У заяве пасольства, дзе пазначаныя толькі яго ініцыялы без пазначэння пасады, смерць дыпламата названа «глыбока асабістай трагедыяй для родных і блізкіх». Публічнай інфармацыі пра Панова ў адкрытых крыніцах амаль няма.

Каментары1

  • Займальная геаграфія
    12.01.2026
    Мне што падабаецца, на любой ціхай выспе расійскае пасольства лёгка пазнаць па калючым дроце і забароне паркавацца на вуліцы.

    Не, каб зрабіць недзе маёнтак у ціхім месцы як французы, а вось пасярод вуліцы гэты трэш. Каб усе навокал ведалі... здесь рускі дух, здесь руссю пахнет

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць