У Расіі коміка Аляксандра Гудкова аштрафавалі за пародыю на песню Шамана «Я — вузкі»
Расійскага коміка Аляксандра Гудкова аштрафавалі на 11 тысяч расійскіх рублёў (каля 140 даляраў) паводле артыкула аб распальванні нянавісці і варожасці, паведамляе «Коммерсант».
Суд, які прайшоў у Маскоўскай вобласці, вызначыў, што артыст апублікаваў на сваёй старонцы ў сацыяльнай сетцы «ВКонтакте» відэазапіс пад назвай «Александр Гудков — Я узкий», у якім выкарыстаў аранжыроўку песні «Я русский», што выконвае праўладны спявак SHAMAN, але змяніў тэкст кампазіцыі, ужыўшы словазлучэнне «Я узкий».
Па выніках праведзенага псіхолага-лінгвістычнага даследавання склалі даведку, у якой сцвярджалася пра нібыта наяўнасць у відэа публічных дзеянняў, накіраваных на прыніжэнне годнасці чалавека і групы асоб па прыкмеце паходжання. Гэтыя дзеянні, як адзначаецца, былі здзейсненыя публічна, у тым ліку праз інтэрнэт.
Кліп Аляксандра Гудкова быў апублікаваны амаль тры з паловай гады таму, у канцы жніўня 2022 года. Адразу пасля таго на яго напісалі заяву ў пракуратуру з просьбай распачаць крымінальную справу.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары