Свет66

Амерыканскі стартап прапануе зарэзерваваць за мільён месца ў гатэлі на Месяцы

Каліфарнійскі стартап абвясціў пра пачатак прыёму браніраванняў на нумары ў будучым гатэлі на Месяцы. Кампанія прапануе заможным аматарам прыгод зарэзерваваць месца, унесшы дэпазіт у памеры 1 мільёна даляраў. Адкрыццё гатэля плануецца на 2032 год, піша Space.com.

Мастацкая выява будучага гатэля на Месяцы. Фота: GRU

Кампанія Galactic Resource Utilization Space (GRU), заснаваная выпускніком Каліфарнійскага ўніверсітэта ў Берклі Скайлерам Чанам, 12 студзеня запусціла сайт для браніравання і прадставіла канцэпцыю будучага месячнага гатэля. Паводле заяваў распрацоўшчыкаў, ён павінен стаць першай у гісторыі пастаяннай пабудовай па-за межамі Зямлі.

Для будаўніцтва плануецца выкарыстоўваць спецыяльныя жыллёвыя модулі і аўтаматызаваную тэхналогію перапрацоўкі месяцавага грунту ў трывалыя будаўнічыя матэрыялы. Пачатак работ прызначаны на 2029 год, але толькі пасля атрымання ўсіх дазволаў.

Першыя кліенты гатэля — гэта, як мяркуецца, удзельнікі камерцыйных касмічных палётаў і багатыя пары, якія шукаюць незвычайнае месца для мядовага месяца. У GRU лічаць, што менавіта турызм стане ключом да развіцця эканомікі Месяца і дапаможа чалавецтву хутчэй выйсці за межы адной планеты.

Заснавальнік кампаніі адзначае, што чалавецтва цяпер знаходзіцца ў пераломным моманце, калі з’яўляецца рэальны шанец стаць міжпланетным відам яшчэ пры жыцці сучаснага пакалення. На яго думку, у будучыні мільярды людзей змогуць нараджацца і жыць на Месяцы і Марсе.

Скайлеру Чану 21 год, ён інжынер у галіне электратэхнікі і камп’ютарных навук. Ідэя гатэля на Месяцы з’явілася ў яго падчас удзелу ў стартап-акселератары Y Combinator. Па яго словах, праект ужо атрымаў фінансавую падтрымку ад інвестараў, звязаных з SpaceX і кампаніяй Anduril.

Стварэнне пастаяннай базы на Месяцы таксама ўваходзіць у планы ЗША па пашырэнні прысутнасці ў космасе, якія падтрымлівае кіраўніцтва NASA і прэзідэнт Дональд Трамп. Чан спадзяецца, што яго кампанія зможа стаць часткай гэтай стратэгіі. Акрамя таго, GRU апублікавала аналітычны дакумент, у якім апісваецца доўгатэрміновая візія засялення Месяца — пачынаючы з элітнага гатэля і заканчваючы паўнавартаснай калоніяй.

Каментары6

  • бабруйчанін
    15.01.2026
    Van der Graaf
    Двойчы рэспект стартап..амерык..аньські))))
  • Фома
    15.01.2026
    21-летний "Чан надеется, что его компания сможет стать частью этой стратегии". Кто заплатит Чану за его надежду?
  • Отец Засандалий
    16.01.2026
    А ещё можно продавать паспорт лунатика по образцу книжки конторы Фрэнки & Co.

Цяпер чытаюць

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям40

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям

Усе навіны →
Усе навіны

У Беларусі паскорыўся рост ВУП5

Юшкевіч: Аднойчы мне прапанавалі: «Адно слова па-польску — 5 сутак ШІЗА. Рызыкнеш?»10

У мінскае метро маладзён хацеў зайсці з небяспечным кіем3

Цела кракаўскага стралка ніхто забіраць для пахавання не хоча. Яго думаюць аддаць навукоўцам6

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

больш чытаных навін
больш лайканых навін

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям40

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям

Галоўнае
Усе навіны →

Заўвага:

 

 

 

 

Закрыць Паведаміць