У Віцебску аўтасалон выставіў балід «Формулы-1». Няўжо сапраўдны?
У Віцебску адзін аўтасалон, які займаецца продажам патрыманых аўтамабіляў, выставіў машыну, якую назваў балідам «Формулы-1» Ferrari. Паводле заяўленай інфармацыі, гэта нібыта Ferrari F1 з рухавіком V6 аб’ёмам 2,5 літра, хоць год выпуску не пазначаны. Пакуль аўтамабіль толькі дэманструецца і не прадаецца, а прадстаўнікі салона абяцаюць навіны «пазней», заўважыла Blizko.by.
Аднак спецыялісты і аўтааматары хутка заўважылі супярэчнасці. У «Формуле-1» у перыяд, да якога візуальна можна аднесці гэты балід, такіх рухавікоў не выкарыстоўвалі.
Год выпуску ў салоне не пазначылі, але яго прыблізна можна вызначыць з ускосных звестак. Так, на машыне адсутнічае сістэма бяспекі «гало» (абарончых рыгеляў над галавой пілота), якую ўвялі з 2018 года, а шыны Bridgestone перасталі прымяняць пасля 2009-га. Акрамя таго, на Ferrari нанесены нумар 1 — пад ім выступаў нямецкі гоншчык Міхаэль Шумахер у 2001—2005 гадах. Але ў той час баліды Ferrari мелі 3‑літровыя рухавікі канфігурацыі V10 або V12, а не V6.
Улічваючы, што сапраўдныя балiды Ferrari той эпохі прадаюцца на аўкцыёнах за дзясяткі мільёнаў даляраў (напрыклад, аўтамабіль Шумахера 2003 года ў 2022‑м прададзены амаль за 15 мільёнаў долараў), верагоднасць таго, што такі экзэмпляр апынуўся ў звычайным віцебскім аўтасалоне, выглядае мінімальнай. Таму найбольш імаверна, што перад наведвальнікамі — рэпліка, то бок аматарская копія.
Некаторыя каментатары таксама з іроніяй адзначылі, што машына аднамесная і не прыдатная для штодзённых патрэб. Іншыя ж падазраюць, што выява баліда была створаная з дапамогай штучнага інтэлекту. Пра гэта, на іх думку, сведчаць памылкі ў адлюстраваннях лагатыпа Marlboro ў шкле, недакладнасці ў надпісах на заднім антыкрыле, а таксама дзіўная маркіроўка шын Bridgestone Potenza і дыскаў BBS, у якіх відаць відавочныя хібы.
Шэсць з дваццаці гоншчыкаў «Формулы 1» сёлета — пачаткоўцы. Адзін з іх нядаўна атрымаў правы кіроўцы
Беларуска стала ў Іспаніі буктокеркай і напісала раман пра «Формулу-1»
Суд ЕС зняў санкцыі з былога гоншчыка «Формулы-1» беларускага паходжання
Ральф Шумахер здзейсніў камінг-аўт
Стала вядома, як цяпер жыве былы аўтагоншчык Міхаэль Шумахер
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома2
Каментары
В отражении в стекле автосалона, видна фигура человека который фотографирует.