У Мінску хутка пачнуцца працы па рэканструкцыі Кальварыйскага касцёла
Дзяржпрадпрыемства «Мінская спадчына», ва ўласнасці якога знаходзіцца не толькі Чырвоны касцёл у Мінску, але і храм на Кальварыйскіх могілках, пачынае работы па рэканструкцыі гэтага касцёла, а таксама капліц-пахавальняў і ўваходнай брамы.
Першым этапам стане выкананне абследавальніцкіх работ па аб'екце — як заўважылі журналісты, з'явіўся адпаведны тэндар па пошуку выканаўцы. Згодна з закупкай, гэтыя работы павінны пачацца ў другой палове лютага, піша katolik.life.
Пакуль гаворка ідзе толькі аб абследаванні тэхнічнага стану сцен, падмуркаў, даху, унутранага аздаблення, па выніках якога спецыялісты павінны выдаць заключэнне. Гэта значыць, што ў храме ўжо з'явяцца будаўнічыя рыштаванні.
Ці зачыняць яго для вернікаў? Раней паведамлялася, што такое можа адбыцца.
Ніякай публічнай інфармацыі пра гэта пакуль няма — ні ад дзяржарганізацый, ні ад парафіі. У пабліку супольнасці не размяшчалі аб'яў на гэты конт — на дадзены момант набажэнствы праходзяць без зменаў.
Але як казаў раней мітрапаліт Мінска-Магілёўскі арцыбіскуп Юзаф Станеўскі, парафія будзе вымушана шукаць часовае месца, паколькі дзяржаўная арганізацыя плануе там рамонт. Аднак пасля гэтага сітуацыю ніяк афіцыйна не каментавалі.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку2
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары