Міністр лясной гаспадаркі Беларусі Аляксандр Кулік сустрэўся з бухгалтарамі галіны і заклікаў іх больш актыўна ўдзельнічаць у прыняцці рашэнняў, у тым ліку кантраляваць дзеянні кіраўнікоў і нават спрачацца з імі, калі бачаць несправядлівасць.
Асабліва гэта датычыцца выплаты заробкаў работнікам лясной галіны. Па словах Куліка, бухгалтары павінны займаць «прынцыповую пазіцыю», калі заўважаць парушэнні ў аплаце працы. Ён назваў галоўнага бухгалтара «акумулятарам» праблем і рашэнняў на прадпрыемстве, ад якога залежыць і псіхалагічны клімат у калектыве.
Міністр падкрэсліў, што бухгалтары павінны старанна кантраляваць усе выплаты, прадугледжаныя законам і тарыфнымі пагадненнямі. Гэта асабліва важна ў сітуацыі, калі ў розных лясгасах заробкі на аднолькавых пасадах могуць адрознівацца ў два разы.
Кулік нагадаў, што ў Беларусі ідзе «барацьба за кадры», і лясная галіна павінна імкнуцца ўтрымліваць каштоўных спецыялістаў. Ён заклікаў:
«Не маўчыце, калі кіраўнік прымае несправядлівае рашэнне, асабліва ў адносінах да работнікаў. Гэта трэба выпальваць гарачым жалезам!»
На заканчэнне міністр адзначыў: пытанняў зараз больш, чым адказаў, і бухгалтары знаходзяцца ў цэнтры гэтых праблем.
У казінай фермы ў Буда-Кашалёўскім раёне ўзніклі вялікія праблемы. Сотні жывёл могуць загінуць
«Душыць проста за горла пачуццё несправядлівасці». У Маладзечне аграсядзібу тэрарызуе статак кароў
Вальфовіч упэўнены, што савецкая вайсковая тэхніка ў Беларусі праслужыць яшчэ гадоў з 20
Мінэнерга расказала, як цяпер будзе асвятляць вуліцы
Цяпер чытаюць
Вось як выглядае з космасу асвятленне Мінска ў параўнанні з суседнімі сталіцамі ФОТАФАКТ14
Каментары