Прэм’ерка Даніі: Трэба дазволіць наносіць удары ўглыб Расіі, бо ў Расіі разумеюць толькі сілу
Падчас выступлення на адной з дыскусій у рамках Мюнхенскай канферэнцыі аб бяспецы прэм'ер-міністарка Даніі Метэ Фрэдэрыксэн адкрыта заклікала да перадачы Украіне заходняга дальнабойнага ўзбраення і дачы дазволу на яго неабмежаванае выкарыстанне.
«Наша праблема ва Украіне заключаецца ў тым, што дагэтуль ёсць чырвоныя лініі ў выкарыстанні заходняга ўзбраення. Мы не можам перамагчы ў вайне, калі рукі будуць звязаныя. Трэба дазволіць наносіць удары ўглыб тэрыторыі РФ. Мы гэта абмяркоўваем ужо некалькі гадоў», — сказала Метэ Фрэдэрыксэн.
У той жа час яна звярнула ўвагу на пагрозу адзінства НАТА, якая паходзіць ад жадання прэзідэнта ЗША Дональда Трампа ўзяць пад кантроль дацкую Грэнландыю:
«Усё, што ставіць пад сумнеў трансатлантычныя адносіны або пагражае саюзнікам, падрывае НАТА.
У нашай гісторыі нам толькі аднойчы прыйшлося задзейнічаць артыкул 5, і гэта адбылося з-за падзей у ЗША. У астатні час мы маглі забяспечваць свабоду, дэмакратыю, росквіт і багацце, спадзеючыся толькі на фармулёўку артыкула 5, таму што ўсе нашы ворагі ведаюць: калі яны нападуць на нас, то нападуць на ўсіх нас.
Магчыма, самае важнае, што мы як палітычныя лідары забяспечваем, — гэта наша адзінства. Таму ставіць пад сумнеў трансатлантычныя адносіны, пагражаць саюзнікам або рабіць што-небудзь, што падарвала б ідэю артыкула пятага, было б пагрозай для ўсіх нас. Таму давайце трымацца разам», — заявіла дацкая прэм'ерка.
«Мы зрабілі памылкі разам, і разам абавязаныя іх прызнаць». Тэкст прамовы Марка Рубіа на Мюнхенскай канферэнцыі
Ціханоўская: Беларускую апазіцыю хацелі б трансфармаваць у расійскую
«Змена рэжыму неабходная, але не толькі таму, што мы хочам быць свабоднымі». Рэза Пехлеві заклікаў ЗША нанесці ваенны ўдар па іранскім рэжыме
«Мы пайшлі на шмат кампрамісаў». Зяленскі выказаўся пра саступкі пад ціскам ЗША
Макрон заклікаў «аднавіць празрысты канал сувязі» з Расіяй
Каментары
Ну так хай перадае, што ж ёй замінае? Украіна супраць не будзе.