Ціханоўская можа наведаць Украіну ў канцы лютага — пачатку сакавіка
Дэмакратычная лідарка Беларусі можа наведаць Кіеў у канцы гэтага ці пачатку наступнага месяц. Пра гэта яна паведаміла ў інтэрв'ю РБК-Украіна.
Нагадаем, што Уладзімір Зяленскі запрасіў яе ў Кіеў падчас сустрэчы ў Вільні 25 студзеня. Як яна распавяла РБК-Украіна, візіт можа адбыцца напрыканцы гэтага або на пачатку наступнага месяца.
У размове з РБК-Украіна яна пастаянна падкрэслівала, што Лукашэнка з’яўляецца саўдзельнікам расійскай агрэсіі супраць Украіны і за гэта таксама павінен панесці, у прыватнасці, крымінальную адказнасць на міжнародным узроўні. Дасягнуць гэтага пакарання для дыктатара Ціханоўская імкнецца і ў супрацоўніцтве з Украінай.
Яна таксама расказала пра выразную мяжу паміж беларускімі і расійскімі апазіцыйнымі сіламі.
«Па-першае, нашай чырвонай лініяй заўсёды была ідэя, што беларусы — гэта не рэжым, і беларусы — гэта не расіяне. Мы іншыя, у нас няма імперскіх амбіцый, і большасць беларусаў выступае супраць вайны», — кажа яна.
Ціханоўская сказала, што сустрэча з прэзідэнтам Зяленскім была для мяне надзвычай важнай на працягу ўсяго гэтага часу. І гэтая сустрэча паказала, што Украіна вельмі выразна адрознівае рэжым Лукашэнкі і беларускі народ.
«Я лічу, што гэта і ёсць аснова новай палітыкі Украіны ў дачыненні да Беларусі. Наша сустрэча была вельмі моцным і выразным сігналам, і, думаю, гэты сігнал быў пачуты і ў Беларусі», — сказала яна.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца4
Каментары