Збіраюць падтрымку гісторыку Юрасю Юркевічу, у якога знайшлі рак мозгу
Беларус, народжаны ў Эстоніі, Юрась усю сваю энергію прысвяціў працы на карысць Беларусі. Пры канцы 2025 года ў Юрася выявілі пухліну мозгу. Дыягназ аказаўся вельмі цяжкі — злаякасная гліабластома. Беларуская Рада культуры адкрыла асобны рахунак для дапамогі Юрасю.
Юрась Юркевіч быў не толькі даследчыкам, але і грамадскім дзеячом, дзякуючы якому паўсталі дзясяткі ютуб-праграм і культурных праектаў, без якіх не ўявіць сучасны беларускі свет.
Пра сваю хваробу Юрась сам распавёў у фэйсбуку.
«25 лістапада 2025 года, пасля неўралагічнай кансультацыі і экстраннай МРТ, я быў шпіталізаваны ў клініку нейрахірургіі MSWiA ў Варшаве з дыягназам «пухліна левай лобнай долі з радыелагічнымі прыкметамі высокадыферэнцыяванай гліомы».
12 снежня 2025 года мне была праведзена нейрахірургічная рэзекцыя, якая працягвалася дзевяць гадзін. Пасля аперацыі ў мяне развілася цяжкая маторная афазія, якая суправаджалася аграфіяй і алексіяй.
22 снежня 2025 года мяне выпісалі з устойлівымі і значнымі парушэннямі маўлення. На працягу прыкладна двух тыдняў я не мог вымавіць нават асноўныя склады, а да 24 снежня я мог вымавіць не больш за дзесяць фраз на роднай мове. У медыцынскай дакументацыі рэкамендаваліся тэрміновыя анкалагічныя і нейраанкалагічныя кансультацыі, а таксама працяг неўралагічнай і маўленчай рэабілітацыі.
10 студзеня 2026 года мой стан значна пагоршаў. Было ўстаноўлена, што падчас першай аперацыі адбылася бактэрыяльная інфекцыя, і 12 студзеня 2026 года мне зрабілі паўторную аперацыю па выдаленні забруджаных тканак, у тым ліку мяккіх тканак, а таксама частак чарапной косткі.
Зараз пачалося радыелагічнае лячэнне і хіміятэрапія, якія будуць працягвацца прыблізна да верасня 2026 года», — напісаў Юрась.
Беларуская Рада культуры ўдакладняе, што наперадзе як мінімум шэсць курсаў хімія– і радыетэрапіі. Гэта патрабуе вялікіх фізічных сіл, але таксама значных фінансавых выдаткаў. Увесь фінансавы цяжар ляжыць на сям’і, даходы якой несувымерныя тратам на лячэнне і рэабілітацыю.
Таму Рада звяртаецца з просьбай аб падтрымцы. Кожны ўнёсак мае значэнне і дапаможа Юрасю засяродзіцца на барацьбе за жыццё і аднаўленні.
Мэта збору — 15 000 еўра. Гэтыя грошы пойдуць на кансультацыі спецыялістаў, рэабілітацыю (фізіятэрапеўт і нейралагапед), медыкаменты, якія спадарожнічаюць асноўнаму лячэнню і патрэбныя для аднаўлення падчас і паміж складанымі курсамі хімія– і радыётэрапіі.
Для гэтых патрэбаў Беларуская Рада культуры адкрыла асобны рахунак. Усе сродкі, якія паступяць на яго — будуць перададзеныя непасрэдна сям'і Юрася.
Падтрымаць Юрася Юркевіча можна тут.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары