У Польшчы судзяць 33 чалавек, абвінавачаных у буйной кантрабандзе з Беларусі
Раённы суд у Седльцах будзе разглядаць справу, у якой абвінавачваюцца 33 чалавекі. Паводле матэрыялаў следства, яны ўдзельнічалі ў арганізаванай злачыннай групе, што займалася незаконным увозам цыгарэт і падатковымі махінацыямі.
Група дзейнічала з лістапада 2018 года да кастрычніка 2021-га. Цыгарэты незаконна ўвозіліся з Беларусі ў Польшчу праз аўтамабільны пункт пропуску «Баброўнікі», а таксама праз чыгуначны пераход «Тэрэспаль».
Усяго, паводле матэрыялаў следства, было перапраўлена 29,44 мільёна пачак цыгарэт. Страты для польскага бюджэту ацэненыя амаль у 498 мільёнаў злотых (звыш 140 мільёнаў даляраў па цяперашнім курсе).
Каб забяспечыць бесперашкодны правоз, удзельнікі групы, як сцвярджаецца, перадалі мытнікам хабар на суму не менш за 99,5 тысячы злотых і 898,4 тысячы еўра. Пры гэтым самі супрацоўнікі мытні ў гэтым абвінаваўчым заключэнні не фігуруюць.
У межах расследавання арыштавана маёмасць на суму 10,9 мільёна злотых.
Абвінаваўчы акт у суд накіравала Падляшскае аддзяленне Дэпартамента па барацьбе з арганізаванай злачыннасцю і карупцыяй Нацыянальнай пракуратуры ў Беластоку.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары