У жанчыны на заводзе загінуў сын. Якую ёй прысудзілі кампенсацыю?
Малады чалавек уладкаваўся падсобным рабочым у Гомелі на вытворчасць бетонных вырабаў у 2023 годзе. Праз паўтара месяца на працы адбыўся няшчасны выпадак, у выніку якога ён загінуў.
У момант выкарыстання гарызантальнага ўніверсальнага змяшальніка адзенне трапіла ў абсталяванне, а ён сам — пад лопасці вала, што круціўся. Хлопец загінуў.
Было праведзена расследаванне — асобамі, якія дапусцілі парушэнні, прызнаныя дырэктар падраздзялення і начальнік вытворчасці. Крымінальныя справы ў дачыненні да іх спыненыя з прычыны амністыі. Акрамя таго, суд прызнаў вінаватым у прычыненні смерці з неасцярожнасці фармоўшчыка гэтага прадпрыемства, які ўключыў абсталяванне, — ён таксама вызвалены паводле акту амністыі.
Для жанчыны гэта быў адзіны сын і ў сувязі з яго нечаканай смерцю яна адчула фізічныя і маральныя пакуты. Жанчына прасіла спагнаць з кампаніі кампенсацыю 1 000 000 рублёў і судовыя выдаткі.
Суд вырашыў, што ў маці загінулага ёсць законныя падставы для атрымання грашовай кампенсацыі маральнай шкоды за кошт працадаўцы сына як уладальніка крыніцы падвышанай небяспекі.
Суд Навабеліцкага раёна Гомеля спагнаў з працадаўцы на карысць маці загінулага 60 000 рублёў кампенсацыі маральнай шкоды, таксама вырашыў пытанне аб судовых выдатках.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары
Я памятаю, як са мной у шпіталі ляжала старая жанчына. Яна мне апавядала, што яе муж быў начальнікам на вытворчасьці, да яе прыйшлі ў сьне продкі і папярэдзілі, што на наступны дзень адбудзецца там няшчасьце, але ім забаронена гаварыць, што менавіта, толькі наказалі, каб муж нікога не ўпускаў і не выпускаў з цэху. Муж раніцой узяў ва ўсіх расьпіску пра тэхніку бясьпекі, замкнуў усе дзьверы, папярэдзіў людзей, але ўсё роўна кампанія маладых людзей неяк прайшла і пачала адцягваць увагу працаўніцы, у якой праз некалькі дзён павінна было адбыцца вясельле. У выніку ёй адрэзала станком пальцы. Калі б ён не ўзяў з усіх расьпіскі ў гэты дзень, то таксама б панёс адказнасьць, хоць ён зрабіў усё, што ад яго залежыла, каб гэтага не адбылося.