Беларусу Ваню Сцяцэнку, на лячэнне якога збіралі грошы ўсёй краінай, нарэшце ўвялі прэпарат «Элевідзіс» коштам 2,9 мільёна даляраў. Пра гэта паведаміла маці хлопчыка ў сацыяльных сетках. Яна падзякавала ўсім, хто падтрымліваў сям’ю і ўдзельнічаў у зборы сродкаў.
Збор грошай завяршыўся яшчэ 1 снежня 2025 года, але лекі ўдалося ўвесці толькі праз амаль тры месяцы. Цяпер Ваню чакае курс рэабілітацыі.
Пра хлопчыка стала вядома на ўсю краіну ў лістападзе 2025 года, калі выбухнуў скандал вакол затрымання двух блогераў з Гродна — 17‑гадовага Міхаіла Драгуна і яго 37‑гадовай сяброўкі Яўгеніі Тарасенкі. Яны праводзілі розыгрышы з дарагімі прызамі і абяцалі частку сабраных сродкаў пералічыць на лячэнне Вані.
Удзельнікам прапаноўвалі купіць нумар для ўдзелу ў нібыта дабрачыннай латарэі, абяцаючы смартфоны або нават аўтамабілі. Аднак з прыкладна паўтара мільёна рублёў, як сцвярджаецца, сям’і перадалі толькі частку сумы, а значныя сродкі пайшлі на прызы і асабістыя выдаткі блогераў.
Міхаіл Драгун пасля вызвалення пад падпіску аб нявыездзе заяўляў, што не лічыць сябе вінаватым, і тлумачыў, што ад пачатку казаў пра перадачу толькі часткі сабраных грошай. Суд па гэтай крымінальнай справе яшчэ наперадзе, абвінавачаным можа пагражаць да 12 гадоў пазбаўлення волі.
Нягледзячы на скандал, збор сродкаў на лячэнне Вані быў закрыты, і цяпер хлопчык атрымаў неабходны прэпарат.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў3
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары