Еўрапарламент прыпыніў працэс ратыфікацыі гандлёвай дамовы з ЗША праз няпэўнасць з трампаўскімі мытамі
Еўрапейскі парламент прыпыніў працэс зацвярджэння маштабнай гандлёвай дамовы са Злучанымі Штатамі. Такое рашэнне прынята на фоне сітуацыі вакол мытнай палітыкі, звязанай з дзеяннямі прэзідэнта ЗША Дональда Трампа, паведамляе «Еўрапейская праўда».
Кіраўнік камітэта па міжнародным гандлі Еўрапарламента Бернд Ланге паведаміў, што наступствы рашэння Вярхоўнага суда ЗША нельга ігнараваць. На яго думку, працягваць працу, нібы нічога не адбылося, немагчыма. Паводле яго слоў, сітуацыя стала больш няпэўнай, а гэта супярэчыць прынцыпам стабільнасці і прадказальнасці, якіх імкнуліся дасягнуць у межах пагаднення.
Праца над зацвярджэннем дамовы прыпыненая да таго часу, пакуль не з’явіцца больш выразнасці і юрыдычнай пэўнасці ў гандлёвых адносінах паміж ЕС і ЗША. Запланаванае галасаванне адкладзена, а далейшыя крокі будуць перагледжаныя ў найбліжэйшы час.
20 лютага Вярхоўны суд ЗША прызнаў незаконнымі маштабныя глабальныя тарыфы, уведзеныя прэзідэнтам ЗША Дональдам Трампам раней. У адказ Еўрапейская камісія запатрабавала ад амерыканскай адміністрацыі поўнай яснасці адносна далейшай гандлёвай палітыкі пасля гэтага рашэння.
Вярхоўны суд ЗША прыняў рашэнне аб адмене большасці тарыфаў, уведзеных Дональдам Трампам
Еўракамісія звярнулася ў Белы дом па тлумачэнні, што цяпер будзе з гандлёвай дамовай пасля адмены трампаўскіх мытаў
Трамп назваў ганьбай рашэнне «гэтых чортавых судоў»
Трамп дадаў яшчэ 10% тарыфаў на ўвесь імпарт пасля прызнання ранейшых мытаў незаконнымі
Трамп павысіў глабальныя тарыфы з 10% да 15%
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады7
Каментары