На чале па-ранейшаму Вольга Чупрыс.
Аляксандр Лукашэнка падпісаў указ №62 ад 20 лютага, якім унёс змены ў склад камісіі па пытаннях памілавання і вызвалення ад крымінальнай адказнасці.
Што змянілася ў складзе камісіі
Указам былі выведзены са складу: суддзя Канстытуцыйнага суда Тадэвуш Варановіч, а таксама Сяргей Сівец (апошні — як персанальны член). Але адначасова Сівец увайшоў у склад камісіі як цяперашні старшыня Канстытуцыйнага суда. Такім чынам, Сяргей Сівец застаецца ў камісіі, але ўжо ў новым статусе.
Поўны склад Камісіі па пытаннях памілавання
Прызначаныя члены камісіі
- Чупрыс Вольга Іванаўна — намесніца кіраўніка Адміністрацыі Лукашэнкі. Старшыня камісіі.
- Лянчэўская Марына Аляксандраўна — дэпутатка Палаты прадстаўнікоў. Намеснік старшыні.
- Цішчанка Жанна Віктараўна — начальніца ўпраўлення ў Адміністрацыі Лукашэнкі. Намеснік старшыні камісіі.
- Макарына-Кібак Людміла Эдуардаўна — дырэктар Інстытута генетыкі і цыталогіі НАН Беларусі.
- Міхалкова Людміла Сцяпанаўна — заслужаны юрыст Беларусі.
- Новікава Кацярына Віктараўна — загадчык кафедры судовай дзейнасці Інстытута перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі Беларускага дзяржаўнага ўніверсітэта.
- Чарапіца Вадзім Валер'евіч — старшыня Гродзенскай абласной калегіі адвакатаў.
Члены камісіі, якія займаюць вызначаныя пасады
- Старшыня Канстытуцыйнага суда: Сівец Сяргей Міхайлавіч.
- Старшыня Вярхоўнага суда: Швед Андрэй Іосіфавіч.
- Генеральны пракурор: Гара Дзмітрый Юр’евіч.
- Старшыня Следчага камітэта: Бычак Канстанцін Фёдаравіч.
- Міністр унутраных спраў: Кубракоў Іван Уладзіміравіч.
- Міністр юстыцыі: Каваленка Яўген Іосіфавіч.
- Старшыня Камітэта дзяржаўнай бяспекі: Церцель Іван Станіслававіч.
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары