Менеджара буйной IT-кампаніі асудзілі па абвінавачанні ва ўдзеле ў пратэстах і «садзейнічанні экстрэмізму»
Аляксандр Лабузаў робіць паспяховую кар'еру ў міжнародных кампаніях і захапляецца аўтамабілямі. Нядаўна яго асудзілі па двух крымінальных артыкулах.
Аляксандру Лабузаву 35 гадоў. Ён са Светлагорска. Скончыў Светлагорскі вучэбна-вытворчы камбінат на слесара па рамонце аўтамабіляў, пасля паступіў у мінскае МІТСО на спецыяльнасць «Эканоміка і кіраванне на прадпрыемстве». У 2016‑м скончыў магістратуру там жа па сумежнай спецыяльнасці.
Спачатку Аляксандр працаваў намеснікам дырэктара ў краме «Эліт Трэйд» у Светлагорску, з 2008 да 2016 года. Пасля пераехаў у Мінск і ўладкаваўся ў «Атлант-М», дзе з менеджара ў продажах дарос да малодшага кіраўніка праектаў.
Пасля мужчына перайшоў у кампаніі, звязаныя з IT-продажамі і праектным кіраваннем, а з 2023 да 2025 працаваў старэйшым менеджарам па рабоце з кліентамі у Noventiq Belarus. Гэта буйны правайдар IT-рашэнняў і сэрвісаў, які дапамагае кампаніям з лічбавай трансфармацыяй бізнэсу і кібербяспекай.
Аляксандр — удзельнік суполак аматараў Ford Kuga і Fiat 500.
Мужчыну судзілі ў Мінскім гарадскім судзе. Яго абвінавачвалі ва ўдзеле ў пратэстах (ч. 1 арт. 342) і «садзейнічанні экстрэмісцкай дзейнасці» (ч. 1 і 2 арт. 361‑4 КК).
Тэрмін даўніны па першым артыкуле мог бы ўжо прайсці, але паколькі Лабузаву выставілі і другое абвінавачванне — хутчэй за ўсё, па справе Гаюна, — то судзілі і за тое, і за другое.
Дакладны прысуд невядомы, але гэта хатняя хімія.
«Наша Нiва» — бастыён беларушчыны
ПАДТРЫМАЦЬПасля вяртання з Польшчы арыштавалі сузаснавальніцу стартапа GlobalTips. Ёй далі тры гады калоніі за дапамогу палітвязням
Што можа пагражаць тым, хто пісаў у бот «Беларускага Гаюна»? І што можна зрабіць цяпер
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў
Цяпер чытаюць
«Знік без звестак» вельмі малады беларускі наёмнік15
Каментары