У Салігорску прайшоў турнір па зімовым плаванні ў ледзяной вадзе
У першы дзень вясны Салігорскае вадасховішча ператварылася ў арэну для самых адважных і загартаваных спартсменаў. Тут адбыўся адкрыты турнір па спартыўным зімовым плаванні, які ўжо другі год запар збірае аматараў экстрэмальнага спорту і маржавання.
Спецыяльна для спаборніцтваў у лёдзе, які яшчэ пакрывае вадасховішча, непадалёк ад выратавальнай станцыі АСВОД, быў выразаны басейн з дзвюма дарожкамі даўжынёй 25 метраў. Галоўным выпрабаваннем для плыўцоў стала тэмпература вады, якая ў гэты дзень трымалася на адзнацы ўсяго +0,5 °C. У такіх умовах ад удзельнікаў патрабавалася не толькі фізічная вынослівасць, але і выдатнае самавалоданне.
Да ўдзелу дапускаліся толькі спартсмены, якія прайшлі спецыяльную падрыхтоўку па загартоўванні і мелі адпаведную медыцынскую даведку. Самаму юнаму плыўцу было ўсяго 12 гадоў, а самаму вопытнаму — 69.
Адкрылі спаборніцтвы жанчыны першымі заплывамі на дыстанцыю ў 25 метраў. Спаборніцтвы праходзілі ў некалькіх дысцыплінах:
- вольны стыль (25 і 50 метраў);
- брас (25 і 50 метраў);
- батэрфляй (25 метраў).
Усе ўдзельнікі, якія рызыкнулі акунуцца ў ледзяную ваду, атрымалі памятныя сувеніры ад арганізатараў. А пераможцы і прызёры ў кожнай з узроставых катэгорый былі ўзнагароджаны медалямі, дыпломамі і спецыяльнымі прызамі.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары