У Рэчыцы затрымалі п’яную жанчыну за рулём, якая атрымала пасведчанне ўсяго месяц таму
Цяпер жанчына 5 гадоў будзе зноў без правоў.
У Рэчыцы супрацоўнікі ДАІ заўважылі аўтамабіль «фальксваген», які паводзіў сябе на дарозе дзіўна: машына ехала без уключаных фар, але кіроўца бязладна мігаў паваротнікамі.
Як высветлілася пазней, прычынай такой «гульні» быў не тэхнічны збой, а моцнае алкагольнае ап’яненне.
За стырном знаходзілася 36‑гадовая мясцовая жыхарка. Яна прызналася інспектарам, што выпіла «трошкі». Аднак медыцынскі агляд паказаў 1,3 праміле алкаголю ў крыві.
Жанчына зусім нядаўна атрымала пасведчанне — толькі ў мінулым месяцы. За п’яную паездку яе пазбавілі пасведчання кіроўцы адразу на 5 гадоў. Акрамя таго, парушальніцы прыйдзецца выплаціць велізарны штраф сумай 200 базавых адзінак, што складае 9 тысяч рублёў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку21
Каментары