У адным з рэгіёнаў Беларусі ўспышка небяспечнага віруса — як абараніцца
Хвароба пачынаецца рэзка.
У Магілёве і Магілёўскім раёне актывізаваўся небяспечны наравірус. Як расказалі ў Магілёўскім цэнтры гігіены і эпідэміялогіі, у рэгіёне фіксуюцца групавыя выпадкі захворвання, піша «Точка».
Паводле слоў медыкаў, інфекцыя небяспечная для ўсіх, але асабліва для дзяцей, пажылых і аслабленых людзей. Спецыялісты далі тлумачэнні, як не заразіцца і што рабіць, калі ўжо захварэлі.
Што гэта за вірус
Наравірус — гэта вострая кішачная інфекцыя. Ён вельмі заразны: дастаткова ўсяго 10 вірусных часціц. Пры гэтым вірус доўга жыве ў навакольным асяроддзі.
Крыніца заражэння — чалавек: хворы або бессімптомны носьбіт. Вірус выдзяляецца з ірвотнымі масамі і натуральнымі выдзяленнямі.
Чалавек застаецца заразным падчас хваробы і яшчэ некалькі тыдняў пасля выздараўлення.
Як можна заразіцца
Шляхоў перадачы ў патагена некалькі. Самы часты — кантактна-бытавы: праз брудныя рукі, ручкі дзвярэй, краны, тэлефоны, цацкі.
Можна падхапіць вірус і праз ежу — дрэнна памытую гародніну або прадукты, якія гатаваў інфікаваны.
Таксама магчымая перадача праз ваду — з вадаёмаў, праз заражаны лёд, некіпячоную ваду.
Ёсць нават паветрана-кропельны шлях: калі ўдыхнуць мікракроплі ірвотных мас з вірусам. Гучыць жудаснавата, але так таксама бывае.
Сімптомы заражэння і што рабіць
Інкубацыйны перыяд віруса — ад некалькіх гадзін да трох сутак.
Хвароба пачынаецца рэзка. Характэрныя прыкметы: млоснасць, ірвота, высокая тэмпература, дыярэя, слабасць, бледнасць.
Звычайна ўсё праходзіць за адзін-тры дні.
Але калі арганізм абязводжаны, могуць быць сур'ёзныя наступствы.
Важна: антыбіётыкі пры наравірусе бескарысныя. Вакцын няма, спецыфічнага лячэння таксама. Самалячэннем займацца ў гэтым выпадку строга забаронена — пры падазрэнні на кішачную інфекцыю трэба адразу звярнуцца да ўрача.
Дзяцей з апісанымі вышэй сімптомамі ў садкі і школы лепш не пускаць.
Як абараніцца
Галоўнае правіла, каб заставацца здаровым, — гігіена. Важна мыць рукі перад прыняццем ежы, пасля вуліцы і туалета. Акрамя таго, неабходна старанна прамываць гародніну і садавіну.
Мяса і іншыя стравы варта добра праварваць і прасмажваць. Піць варта толькі кіпячоную ваду або напоі ў фабрычнай упакоўцы. У басейнах і вадаёмах старайцеся не глытаць ваду.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары