Суд у Маскве прыгаварыў да пажыццёвага тэрарыстаў, якія напалі на «Крокус»
Усяго па справе аб тэракце праходзіла 19 абвінавачаных, тады загінулі 149 чалавек.
Другі Заходні акруговы вайсковы суд прыгаварыў да пажыццёвага Далерджона Мірзоева, Саідакрамі Рачабалізадэ, Шамсідына Фарыдуні і Мухамадсабіра Файзоева, піша Mash.
Акрамя выканаўцаў, да пажыццёвага зняволення прыгаварылі 11 памагатых тэрарыстаў у «Крокусе»: Умеджона Саліева, Мустакіма Саліева, Шахрвмджона Гадаева, Зубайдулу Ісмаілава, Хусейна Хамідава, Мухамада Шарыпзадэ, Якубджона Юсуфзода, Назрымаду Лутфулоева, Джумахона Курбанава, Хусена Медава, Джабраіла Аушава
Ісраіл, Дылавар і Амінджон Ісламавы, якія прадаставілі тэрарыстам аўтамабіль і кватэру, атрымалі па 19 гадоў 11 месяцаў турмы. Алішэр Касімаў, які прадаў выканаўцам белы «Рэно Логан», атрымаў 22 гады 10 месяцаў.
Напад на «Крокус Сіці Хол» пад Масквой адбыўся 22 сакавіка 2024 года. Узброеныя нападнікі ўварваліся ў залу перад канцэртам гурта «Пікнік», адкрылі агонь па людзях і падпалілі будынак. У выніку загінулі 149 чалавек (чатыры з іх тэрарысты), яшчэ адзін лічыцца зніклым без вестак, а больш за 600 атрымалі раненні.
Следства ўстанавіла, што напад арганізавалі члены забароненай у Расіі тэрарыстычнай групоўкі «Вілаят Харасан» разам з саўдзельнікамі. Частка з іх прайшла падрыхтоўку за мяжой, іншыя знаходзіліся на тэрыторыі Расіі і займаліся пошукам зброі, яе пераробкай і дастаўкай. Частку ўзбраення прывезлі спачатку ў дагестанскі Каспійск, а перад нападам — у Маскву.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе3
Каментары
Пашчасціла ім, у нас бы ім была смяротная кара.