У Купянску знішчылі ўсю групу расіян, якая некалькі месяцаў сядзела ў разбомбленай бальніцы. Не выйшаў ніхто
Украінскія войскі занялі апошні фарпост расіян у Купянску — комплекс бальніцы, які тыя ўтрымлівалі некалькі месяцаў у атачэнні.
Расійскія падраздзяленні, размеркаваныя на поўнач ад Купянска ў трохкутніку Кандрашоўка — Рэдзькаўка — Галубоўка, у кастрычніку 2025 года праніклі ў горад па двух асноўных кірунках. Першы — уздоўж трасы Р-79, што ідзе паралельна рацэ Аскол. Другі — абыходам праз заходнюю частку горада з пераходам ракі Купянка.
Расіяне заявілі пра захоп Купянска 20 лістапада 2025 года — авансам, як часта робяць іх генералы, каб атрымаць прэмію і ордэн. Аднак штурмавыя атрады расійскага спецназа апынуліся ў атачэнні ў выніку ўкраінскіх контрудараў. Расіяне замацаваліся ў шэрагу будынкаў. Самая вялікая група заняла капітальны комплекс Цэнтральнай раённай бальніцы. Іх забяспечвалі боепрыпасамі і прадуктамі з дапамогай грузавых дронаў.
«Я разумею, братан, што мы ў катле, у поўнай жопе», — цытаваў расійскага байца канал «Піянер запасу».
Прэзідэнт Украіны Уладзімір Зяленскі наведаў Купянск 12 снежня. Ён тым самым фактычна высмеяў Уладзіміра Пуціна і Валерыя Герасімава, які пад тэлекамеры даклаў пра заняцце горада.
Украінцы не спяшаліся штурмаваць расійскія анклавы ў горадзе, бераглі свае сілы. Выгасанне абароны было пытаннем часу, і гэты час надышоў.
«Пад інфармацыйным прыкрыццём (цішынёй) МА РФ — УС Украіны вядуць зачыстку паўночнага ўчастка, які застаўся, — напісалі сёння расійскія ваенкары і дадалі: — Хлопцы з ЦРБ загінулі. Усе».
У Купянскай агламерацыі да вайны жыло каля 58 тысяч чалавек. Гэта як беларускі Кобрын. Расіяне акупавалі Купянск (правільны націск — на першы склад) 27 лютага 2022 года, але УСУ вызвалілі яго падчас Ізюмскай контрнаступальнай аперацыі ў верасні таго ж года. Пасля гэтага фронт замацаваўся на ўсход і поўнач ад Купянска.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
рабіце данаты на дроны! не спыняйцеся!
У каго якія прэтэнзіі? Прэтэнзіяў быць не павінна.
Слава УСУ - бадай найлепшым спецыялістам рэгіёну, а то і планеты па лекаванні невылечных!