Рэдкі чарнавік песні Боба Дылана знайшлі ў кнізе, што прадавалася ў кнігарні
У кнізе амерыканскага паэта Алена Гінзберга выпадкова знайшлі рэдкую чарнавую версію песні I'm Not There вядомага музыкі Боба Дылана, піша The Guardian.
Знаходку зрабіў прадавец кнігарні — чарнавік ляжаў у кішэні вокладкі першага выдання кнігі «Ангор-Ват». Раней гэтая кніга належала Салі Гросман, жонцы першага менеджара Дылана і яго блізкай знаёмай. Сам Гінзберг падарыў ёй кнігу яшчэ ў 1969 годзе.
Песня была напісаная ў 1967 годзе ў Нью-Ёрку разам з гуртом The Band, але доўгі час не выдавалася афіцыйна. Яна з’явілася толькі праз шмат гадоў — у тым ліку ў саўндтрэку да фільма I'm Not There 2007 года.
Мяркуецца, што чарнавік доўгі час заставаўся незаўважаным у кнізе і выпадкова выпаў, калі яе гартаў прадавец.
Цяпер гэты рукапіс плануюць выставіць на аўкцыён. Ягоны кошт ацэньваюць прыкладна ў 20—40 тысяч фунтаў стэрлінгаў (больш за 50 тысяч даляраў). Эксперты лічаць знаходку вельмі рэдкай працоўнай версіяй тэксту песні.
У 2025 годзе чарнавікі іншай вядомай песні Дылана — Mr. Tambourine Man — былі прададзеныя за больш чым паўмільёна даляраў.
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?2
Каментары