Рэальная інфляцыя ўтрая перавышае афіцыйна абвешчаную. А дэфіцыт бюджэту ўжо вычарпаў план на цэлы год. Калі б не аперацыя ЗША ды Ізраіля ў Іране, у выніку якой цэны на нафту ўзвіліся да неба, Масква б ужо даядала апошнія рэзервы.
Расія, імаверна, сістэматычна завышае ключавыя эканамічныя паказчыкі, каб стварыць уражанне ўстойлівасці перад санкцыямі і ваеннымі выдаткамі. Пра гэта кіраўнік вайсковай разведкі Швецыі Томас Нільсан заявіў у інтэрв’ю Financial Times.
Паводле ацэнак шведскага боку, рэальны ўзровень інфляцыі ў Расіі значна вышэйшы за афіцыйны. Калі Цэнтрабанк РФ гаворыць пра 5,86%, то фактычна яна можа быць бліжэйшая да цяперашняга памеру стаўкі рэфінансавання Банка Расіі — каля 15%.
Акрамя таго, у Стакгольме згодныя з высновамі нямецкай разведкі BND: Масква, імаверна, заніжае і дэфіцыт бюджэту — прыкладна на 30 мільярдаў даляраў. Раней у Германіі заяўлялі, што ў 2025 годзе рэальны дэфіцыт ужо перавысіў афіцыйныя лічбы больш чым на 2,3 трыльёна расійскіх рублёў.
Шведская разведка таксама звяртае ўвагу на шэраг фінансавых сігналаў, якія могуць сведчыць пра рызыку будучага банкаўскага крызісу ў Расіі.
Нільсан не выключае, што расійскі кіраўнік Уладзімір Пуцін можа не валодаць поўнай карцінай: «Нават з той скажонай інфармацыяй, якую ён атрымлівае, немагчыма бясконца ўцякаць ад рэальнасці».
Паводле яго, расійская эканоміка застаецца ўразлівай, нягледзячы на рост цэн на нафту падчас канфліктаў на Блізкім Усходзе. Каб толькі закрыць бюджэтны дэфіцыт, Расіі патрэбна, каб нафта Urals трымалася вышэй за 100 даляраў за бараль на працягу года. Для вырашэння глыбейшых праблем — значна даўжэй.
Асобна адзначаецца, што мадэль росту, заснаваная на ваеннай вытворчасці, не можа быць устойлівай. «Гэта ўзбраенні, якія ў выніку знішчаюцца на полі бою», — падкрэсліў Нільсан.
Праблемы ўжо закранаюць і вайскова-прамысловы комплекс. За выключэннем вытворчасці дронаў, ён застаецца стратным, залежным ад дзяржаўных крэдытаў і схільным да карупцыі, лічаць у шведскай разведцы.
У выніку, як сцвярджае Нільсан, Расія «жыве ў пазыку» і стаіць перад двума сцэнарамі — працяглы спад або фінансавы шок. У абодвух выпадках гаворка ідзе пра рух у бок крызісу.
У Мінэканамразвіцця РФ таксама прызнавалі: рэзервы эканамічнага росту ў значнай ступені вычарпаныя, а сітуацыя стала складанейшай праз высокія стаўкі, дэфіцыт працоўнай сілы і бюджэтныя абмежаванні.
Калі б не аперацыя ЗША ды Ізраіля ў Іране, у выніку якой цэны на нафту ўзвіліся да неба, Масква б ужо была даядала апошнія рэзервы.
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары
кажуць , не кажуць ? пра гэта Утлін і Прыгожын казалі, пайшлі вайной на Крэмль нават, і тады іх пуцін не пажадаў праўду пачуць, як і нікалашка крывавы ў 1917 ці гарбачоў ў 1991