У Бруселі патлумачылі, як пачне працаваць новая сістэма ўезду іншаземцаў у ЕС
У пятніцу, 10 красавіка, новая сістэма ўезду грамадзян замежных дзяржаў у Еўрапейскі Саюз EES (Entry/Exit System) цалкам уступіць у сілу і будзе прымяняцца на межах усіх дзяржаў-членаў. Дэталі пра гэту падзею расказала намесніца галоўнага прэс-сакратара Еўракамісіі Арыяна Падэста, піша «Еўрапейская праўда».
Еўрасаюз гатовы да поўнага запуску новай сістэмы ўезду-выезду з 10 красавіка 2026 года.
«Заўтра сістэма ўезду-выезду будзе цалкам разгорнутая. Фаза разгортвання дагэтуль прасоўвалася добра, і яна ўжо адыгрывае важную ролю ў павышэнні бяспекі Еўрапейскага Саюза», — заявіла Падэста.
Яна дадала, што дзякуючы сістэме ўезду-выезду ЕС «стварыў самую сучасную ў свеце памежную ІТ-сістэму» і ўжо бачыць вынікі.
«За апошнія пяць месяцаў было зарэгістравана больш за 45 мільёнаў уездаў і выездаў. Было больш за 24 тысячы адмоў ва ўездзе, з якіх больш за 600 чалавек былі вызначаныя як такія, што ўяўляюць пагрозу бяспецы нашага Саюза», — расказала прэс-сакратарка.
Па яе словах, у сярэднім на гэты момант рэгістрацыя ўезду або выезду ў ЕС «займае каля 70 секундаў».
«Мы добра ўсведамляем, што, нягледзячы на ўзгоднены графік, некалькі дзяржаў-членаў усё яшчэ сутыкаюцца з тэхнічнымі цяжкасцямі ў гэтыя месяцы разгортвання. Мы знаходзімся ў цесным кантакце з гэтымі дзяржавамі-членамі, напрыклад, таксама шляхам абмену перадавым вопытам з тымі краінамі, дзе сістэма працуе вельмі добра», — паведаміла Арыяна Падэста.
Яна пацвердзіла, што «сістэма прадугледжвае гнуткасць для забеспячэння бесперабойнасці руху на мяжы — у прыватнасці, з улікам лета, калі мы можам чакаць крыху павялічанага руху».
«Правілы дазваляюць дзяржавам-членам прыпыніць рэгістрацыю біяметрычных даных, гэта значыць пэўным чынам часткова прыпыніць працу EES у выпадку празмернага часу чакання. Гэтая магчымасць існуе да верасня, такім чынам ахопліваючы летні перыяд, калі можна чакаць павелічэння працоўных нагрузак», — патлумачыла Падэста.
«Фатаграфуе пашпарт, а потым цябе самога». На мяжы Польшчы з Беларуссю тэстуюць новую сістэму ўезду
З кастрычніка пачнуць дзейнічаць новыя правілы ўезду ў ЕС. Што зменіцца для беларусаў
«Паперка, а не падстава для выезду». Беларуса з польскім праязным дакументам не пусцілі на самалёт
Польшча аднавіла кантроль на мяжы з Літвой. Што там цяпер адбываецца?
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары